嬰兒初初試食肉類，買甚麼部位最適合？

其實第一位真係講得好好，可以試下比佢食魚先，放舊大魚落粥仔/飯仔到煮，煮好之後揀d魚肉磨爛佢黎，撈落粥/飯一齊食，好營養又易消化。
要更正第一位所講既雞肉同豬肉係白肉黎既，牛肉先係紅肉
至於試豬先定雞先就真係冇咩所謂，因為都會剁碎晒黎比佢食，最緊要係佢食唔食架姐，佢食既話，食咩部位都係好既，唔食既話，你揀舊貴一貴，滑一滑既肉佢都係唔食。
用黎煲粥，如果唔食d肉既話用豬扒肉(要淨肉)就最甜既。若果要食埋d肉，就可以用"水展"黎煲，不過就冇咁甜味，但d肉就會煲完都仲滑
至於雞的話，最好就係比雞柳或者雞胸，因為d人多數會係雞脾同雞翼既位置注射激素，令雞隻更發達。所以醫學報告都指出好多女士食左雞翼，生朱古力瘤既機會大增。所以可以既話都唔好食咁多雞翼喇，雞脾都還可以既。

我果時就買左部碎肉機黎自己攪d肉,
豬肉我就比瘦肉, 雞就比雞柳,
唔洗比雞脾嫁, 太肥啦!
而且都攪碎既, 滑唔滑都唔知啦!
比個貼士你,
攪碎左d肉唔好就咁加落d粥仔到,
咁樣d肉會一舊舊, bb食唔到嫁,
你加多少少凍水落去攪下佢先放落粥仔到煮,
如果都一舊舊下次就加多d凍水啦~
食魚就買d大魚, 無咁多細骨呀ma,
蒸好就起肉放落粥仔到就得啦~
但係我唔會成日比魚佢食,
需然d粥會甜d, 不過第日d大便會好臭嫁!!!!

你仔仔有冇試過魚肉呢？如果冇可以食下魚先。
因為唔使點咬。

如果係講紅肉的話，最好試雞肉先，因為易消化過豬肉。
我初初都係比雞中翼O個兩條骨中間D肉比我囡囡食，
O個陣囡囡好似半歲左右啦，係就係麻煩Ｄ，
但佢地都唔會食好多，志在比佢試下肉既味道，
O個度一定係最滑既肉。

到大Ｄ或者佢地有多Ｄ牙仔就比到一Ｄ雞脾位佢食喇！
雞柳或雞胸冇味同易"鞋"，如果加調味又唔係咁好。

如煲粥仔加豬肉咁睇下佢會唔會食"渣"喇，
我個囡囡就唔食ga，所以我買普通瘦肉，純粹要個肉既味。

如果你仔仔會食"渣"的話，你可以買滑Ｄ既豬小展，
切得好細好細，同米一齊落，煲幾耐都咁滑。


大家都係媽咪，希望幫到你。