被隔離屋嘈音滋擾

嘈音滋擾唔係奇事, 因為香港是多層式住宅, 地方有限,

隔離講嘢嘈住你都無計, 又無理由唔俾人傾計講嘢嘛!

狗吠聲你可以去管理處投訢, 因為基本上所有大厦公契

條約是不能養狗的, 你可以俾壓力管理處, 但管理處都未

必管到, 多數識事寧人, 小事化無, 若然夜晚過了十二點,

你可以錄低佢哋既說話和狗吠聲, 去環保處或食環處投

訴, 但成效不大, 最有用既方法是......你部圍牆加隔聲板,

呢個係最好既方法, 因為狗就一定會吠, 人也一定會講嘢,

你好難去控制佢哋, 同佢哋講, 佢哋未必係講道理既人,

好易會弄巧反絶, 佢顧意再大聲D你就慘啦....! 仲有一個

方法是.......每晚瞓交時帶住個小耳筒聽歌, 一來可以幫助

輕鬆, 二來聽唔到其他人聲狗聲。

你未算慘! 我仲慘.....我住喺外國, 係獨立式房屋, 樓上樓下
各分租, 樓下對男女, 不單講嘢聲, 連夜晚叫床聲都聽到, 因為
我哋地板係用木板間, 完全無石屎, 所以好傳聲, 仲有樓下個
女仔唔知係咪精神有問題, 成日鬧個男仔, 成日好似發咗癲咁!
個個月都有, 想搬去其他地方, 又搵唔啱, 一係又遠, 為有忍住
囉! 好在佢哋大多數在日頭嘈, 佢哋搬嚟之前住既一對男女, 年
紀大D, 就仲慘! 個女人同男人, 經常喺半夜嘈, 仲推枱推椅落地,
又係個個月都有一至兩次, 死唔死! 我哋唔報警係唔想隔居關係
惡化, 因為怕佢哋會掉咗我哋D信, 又係忍, 最後忍無可忍同業主
講話我哋要搬, 業主去話佢哋, 佢哋先搬走咋!!! 所以 ~ 我諗你未
算最差啦...!

幫自己裝修下間屋-.-整返間房..
叫d工人幫你裝 隔音牆...
比埋個hifi 佢都嘈唔到你啦- -死蠢!!!

佢養狗..
你咪養隻仲大!
鬥吠!
d木門最好用厚d-.-
咁就放心得多啦-_-
咁簡單都要問...
擺明送分@@
謝謝

問業主點做lo... ... ^.^

聽住用ear筒塞住自己的ear, or, 把自己的房裝修成隔音

向大廈管理處投訴
(但, 只是投訴, 成效未必理想)

妳倒不如禮貌地向隔離屋傾下, 盼望佢圩能體諒你的苦況.

1. 遇到衰鄰居, 算你唔好彩, 再投訴也不會有什麼結果, 如果你無本事令佢走, 唯有自己走, 再落去只會令自己神經衰弱
2. 大廈是否可以養狗, 要看大廈公契, 如果公契沒有指明不准養狗, 佢地有權養