請問朱古力瘤係咪一定好嚴重既痛?我今年會考啦,,我好擔心

我自己都生咗一個朱古力瘤於卵巢內, 並已响今年8月尾以微創手術切除呢個瘤, 我的瘤仲大過你的, 有6cm...., 由於我痛到背脊後面, 幾晚都瞓得唔好, 當做完手術之後, 醫生話原來我卵巢已經有少少裂開, 滲了些"朱古力"出來, 黏連住d腸, 所以我覺得愈來愈痛。
我曾於這 yahoo "知識" 中, 都聽過有人話睇中醫食中藥, 成功把朱古力瘤整到唔見咗, 我相信正如佢所講, 要搵個真係有料的中醫師囉!
以一般醫生(西醫)所說, 若朱古力瘤大過5cm, 佢哋通常都建議做手術切除。
幫我做手術的醫生之前同我講, 朱古力瘤係有機會爆的, 若我痛到嘔, 可能就係裏面爆咗, 提定叫記住即刻入院, 所以係真的, 你看我就知啦 ! 原來响裏開始裂開喇 !
至於做完會唔會返發, 係因人而異, 醫生話我裏面好黏連(佢係會幫每個做完這樣手術的病人評估發病率), 所以我都好高分, 返發率好高, 所以都建議我打停經針(停經半年), 減低發病率。
放心, 我睇過一d資訊, 佢話有朱古力瘤的人, 唔係生唔到仔, 只係成功懷孕的機會率比其他人低少少啫 ! 若果切除了朱古力瘤, 生仔當然更加冇問題啦 !
我問過醫生這病的成因, 好讓我知道點去預防, 但佢都係講根據醫學現階段, 仍未找出原因, 而我 d 朋友又話 "情緒" / "壓力"會令人容易生呢d病, 當然也有朋友講, 同飲食有關, 都叫我唔好食飛禽如雞鴨鵝, 仲有千祈唔好食燕窩或雪蛤膏, 會助長朱古力瘤生長。
我自己有了這個朱古力瘤, 會影響黎M唔係太準, 不過你咁細個, 可能平時都唔係太準。
溫馨提示 :
1. 若果你睇中醫一段時間, 發覺個朱古力瘤仍然存在並沒有變細或甚至變大, 我相信你要 : a. 搵另一個曾經成功醫治患朱古力瘤的中醫師 或 b. 找西醫治理 (由於朱古力瘤的生長可以好快, 我有朋友於四個月內, 個朱古力瘤加大了 2cm, 所以你要定期檢查呀 !)
2. 簡單來說, 朱古力瘤的形成, 係你每個月的經血, 錯誤地排入你的卵巢, 我曾經睇過一d醫學 / 健康資訊說, 這情況其實响好多女性當中, 每月都不多不少會有, 但每人體內的免疫能力不同, 有的女性能有免疫能力把這些經血自動流失, 但有些卻沒有這免疫力的便不斷於體內累積, 形成朱古力瘤, 所以, 或許適量的運動能幫助血液循環, 增強你的免疫力, 減少生病。
3. 保持身心舒暢, 不要給自己太大的壓力, 活得開心 d, 病痛都少d (我在這方面都仍在學習當中, 一起努力吧 !)
4. 若果你真的需要做手術, 不用怕, 也不用擔心, 因這病愈來愈普遍, 都是醫學資訊說, 每4個女性當中, 會有一個患這種病, 即是好似 7 仔咁, 緊有一個响你左近, 大把人陪, 我今個月又有一個朋友剛做了一個這樣的手術, 佢老公三個家姐都在幾年前分別都做咗, 所以唔駛驚, 知嗎 ? 仲有, 依家以微創手術做, 傷口復完得好快, 我表面得三個偒口, 每個都係1cm, 做完第二日落得床, 第三日出院添, 行得走得, d人都唔知我做過手術 !
以上純粹自己少少愚見, 給你作參考, 當然一切由你與你家人商討並作出適當的處理。
希望幫到你 並 祝你 早日康康 及 身體健康 !
圖片參考：http://tw.yimg.com/i/tw/ugc/rte/smiley_3.gif

中藥可醫好，如你食藥无效，請E-mall:[email protected]醫好为止。手术會复發的。

如果醫生建議你做手術的話, 就做咗佢先. 我自己都做過 2 次, 第 1 同 2 次都係大約 5 cm左右... 因尼個病引致嚴重經痛, 我痛到會暈 tim... 我第一次做係 2003 年, 而第 2 次係今年 5月, 休息咗 2 星期就返得工, 生活正常. 由於你年齡比較輕, 醫生應該會建議你有幾個不同既方法去避免尼個病覆發, 例如打停經半年, 食避孕藥減低痛楚等... 不過, 我建議你睇多 1-2 個醫生既意見先決定做 or 唔做手術, 你冇需太擔心, 尼 d 手術好普遍, 香港政府既醫生 / 醫療設備都好好, 因為我兩次都係政府醫院做. 勇敢面對自己既小病. 努力醫好自己身體呀... 而我知道有尼個瘤, 只係冇食 " 荀 "... 其他都冇戒口...