冷靜期開始

前日, 我男朋友向我提出分手...
我地會為同一個問題而嘈交, 佢話覺得已經好累, 唔想再為同一個問題而嘈, 跟本就係解決唔到,佢話今次已經係第4次, 唔想再嘈落去, 我問佢可唔可以俾多次機會大家,但係佢都係不斷咁講算啦,咁樣好辛苦, 佢話大家做番朋友可能會好d, 話我有野一樣可以打俾佢, 有野一樣可以同佢講; 最後, 我問佢你仲鍾唔鍾意我, 佢話個感覺淡左, 最後, 我講不如俾大家一個2個月既冷靜期大家, 佢最初唔肯應承, 但係我最後問佢你真係捨得? 佢唔答...之後佢都係軟化, 但係我要佢應承我真係要諗下大家有咩感覺, 唔好只係想去忘記呢段感情, 真係要考慮下大家2個月後係點諗, 我話呢2個月唔好見面, 佢話咁大家唔見, 但係都係可以sms同msn 架ma, 但係我話唔好, 我想完全唔好再接觸, 咁樣大家都認真去考慮... 就係咁, 講完之後, 我捉住左佢隻手, 用力咁握住左佢隻手幾秒,之後佢都用力握住我隻手....一陣之後我就決心轉身番上屋企, 開始我地既冷靜期...今日係第二日... 我好想知道我地之後會點...