急 !! 男朋友要同我分手.... 我要點樣做 ?? !~ (20分)

或者呢一刻你個心好難去接受呢一件事 , 好難接受呢個事實
但係感覺無左就係無左 , 放手啦…

其實佢已經講到好明 , 你唔好再搵佢喇 ,
最少 , 當大家都冷靜落黎之後 , 或者你地都仲可以做返朋友

你自己都識講啦 , 呢年半以黎 ,
佢一直都對你作出左好多 ge 包容 , 好多 ge 忍讓 ,
我作為外人 , 我睇得出佢真係好愛你嫁~

但係你呢?
如果你愛佢 , 你唔係應該會為佢 ge 感受著想嫁咩?~
佢唔想同你嘈 , 唔想傷害到雙方 ge 感情 ,
結果佢事事讓你 , 就你 , 就算佢跟本就唔想認輸…
既然你明知佢唔中意你成日發脾氣 , 點解你唔改?~
你口口聲聲話你好愛佢 , 咁點解未分手果陣你唔肯為佢改?~
要到呢家你失去左先知道錯?~

其實我覺得 , 佢已經對你好好 , 你話你地成日鬧交 ,
但都可以 keep 到年半 , 可以想像 , 你地呢年半 ge 感情 ,
多半係"挨" 返黎的…

其實…我覺得 , 你唔想同佢分手 ,
係因為你唔想少左一個人去鍚你 , 去就你 ,
唔想少左一份被愛 ge 感覺 ,
而唔係因為你愛佢 , 想照顧佢 , 想令佢開心…
呢年半以黎 , 似乎就只有佢照顧你 , 令你開心 ,
咁佢呢?~
邊個照顧佢 , 邊個令佢開心?~

如果你真係愛佢 ge , 放手啦 ,
比佢專心咁考好個會考 ,
比佢搵一個識得照顧佢 ge 人 , 會令佢開心 ge 人

如果你唔明 ge , 試下掉返轉諗 , 如果你係佢 ,
你女朋友係一個對你咁差 ge 人 , 令你咁唔開心 ,
你一樣會想離開佢…

我覺得佢唔算自私 , 佢清楚你同佢 ge 性格 ,
明白到就算再起埋一齊都只係繼續痛苦落去 ,
佢唔想見到自己心愛 ge 人痛苦 ,
唔想自己同自己心愛 ge 人再嘈交
唔想再同自己心愛 ge 人再一次又一次咁講分手…

你知自己任性唔代表你唔需要改 ,
你要明白你 ge 任性會傷害到你地 ge 感情 ,
但你只係講一句 : 我係咁
你無做過任何實際 ge 行動去改 ,
任由你 ge 任性去繼續傷害你地之間 ge 感情 ,
我真係懷疑 , 你係咪真係真心愛佢…
因為愛一個人, 應該係會將佢放起心入面 ,
會處處以佢行先 , 你呢?~
如果你重視佢 , 點解你一直都無理過佢感受?!~

從你所講 ge 野 , 我可以 feel 到佢有幾咁愛你 ,
我可以 feel 到佢呢年半以黎所受 ge 傷 , 所付出 ge 愛 ,
我相信 , 佢個心真係好痛 , 其實佢好想繼續去愛你 ,
但係佢 ge 付出只係換黎無限 ge 傷害…
佢知道就算再繼續愛你 , 亦只會換來更多 ge 傷害 ,
佢愛你 , 但佢都有責任愛自己 ,
佢只係唔想再受到傷害 , 先會離開你

你問點先可以令佢中意返你 , 答案係 : 無
你已經傷得佢太深 , 佢已經再拎唔出氣力去愛你 ,
起佢 ge 心入面 , 周圍都係你有意無意為佢帶黎 ge 傷痕
你應承佢 ge 野 , 佢一心一意信你會為佢做 ,
但你一次又一次咁令佢失望 , 佢都係人, 都會心灰意冷
同你分手 , 只係佢最後唯一能夠為自己做 ge 事…

放手啦, 如果你真係愛佢 ge , 唔好再搵佢喇 ,
你 ge 出現只會觸痛佢 ge 傷口 ,
如果你仲愛佢 ge , 你就唔應該再搵佢 , 唔好再整痛佢…

2008-09-15 04:06:22 補充：
唔好再去諗點樣返轉頭喇 , 因為我可以答你 , 無得返轉頭嫁喇~
將眼光放遠 d , 望住前面 ge 會考勇往直前啦 , 你會遇到個更好的…

2008-09-15 04:13:30 補充：
個男 ge 識唔識愛我唔敢講 , 但成件事我大慨可以話係個女 ge 一手造成…
畢竟從發問者字裡行間 , 我睇得出男方一直都有為女方付出同包容…
亦有了解 , 接納 , 同尊重。
雖然男方的「愛」仍未完全算無私 ,
但比女方自私的愛已成熟得多…

唔好話我火上加油
講真~你男朋友比左咁多次機會你你都唔努力去改
而家唯一既計就係趁會考而段時間~改哂你d脾氣
咪如果你真係唔洗諗佢會同返你1齊
你要比佢睇到~你係真係愛佢~你係可以為佢改變
令佢回心轉意~可能會比多次機會你
雖然好難~但係你要明白1樣野~如果你真係愛佢
你就要付出~唔好話男朋友~如果你繼續係咁~分分鐘連朋友都冇理

我諗你日日係咁打俾佢話,
佢會俾你感動到...

其實好簡單,呢類男士不適合拍拖,而你根本值得依戀佢,試想想,人一生是要追求雙方鐘意的人,這類人不值得了

考完個會考先算啦!
唔好阻礙自己同佢!
仲有你好細個姐.唔怕無人愛喎(不過請先改改性格)
他不懂珍惜你.就搵過個懂得珍惜你的
別要浪費精神倨時間於這個已經不愛你的人身上

改改性格做個給人疼愛的女孩吧!

你男友比我感覺佢對你已心死，你次次都話改…但始終死性不改，令佢一次又一次失望，佢會覺得好，唔想再聽你講大話，而且每段情都有限期，你唔好好去珍惜，現在後悔莫及。你男友都講得，比D時間大家冷靜一下，如果你仍然死爛打，哦哦，只會令佢覺得你討厭，性格一D都冇變。要改變唔係靠把口，要行動、誠意來表示證明…現在比心機會考啦！

我表達個人意見。我覺得你好自私對於感情這方面。假如你真不能夠沒有他,那你為甚麼不利用這段時間好好去改?反而要一次又一次地問他你改了會否繼續跟你一齊。我想說的是,你改掉惡習,改掉你的小姐脾氣,只是為了你好,並不是因為你的男朋友要你改才去改,你男友都是為你好。你有沒有想過,其實每個男生都不喜歡自己的女朋友經常發脾氣,假如你的A男朋友能夠認受你,那你分手以手再去跟B男友戀愛,他會嗎?C男友呢?所以你記住,改只是為了你自己,希望你可以變成一個不再亂發脾氣的人。至於你講你的男朋友很自私,因為他不喜歡你沒有感覺才跟你分手。那我想問的是,如果不喜歡你還再跟你一起,那才是自私,你明白嗎?當一個人不喜歡一個人的時候,最好的解決方法是分手,而你一次又一次地答應他改,沒改到。而要分手了,你又說他自私。我猜想你對愛情還未摸得清。愛不是佔有,愛情也不是大過天。愛也不是強求的,不能夠死纏難打。而我從你的打字方式就看得出,你還未認真去改。至於兩個脾氣壞的人,最好每次吵架的時候雙方也要冷靜。這是我的意見。我對於你的男友的評價是 98分。我認為他做得比你好... ... 希望你好好想清楚。

如果我係你,我唔會放棄嚟段感情囉!
你 D 咩小姐脾氣呀,任性個 D ,
如果你想以後繼續想發展你 D 感情,唔理你係嚟一段定係另一段啦,
你點都係要改,
對於宜家嘅你,
你嘅感情已經一無所有,
老實講,
你同佢散咗之後你都唔會見佢啦係咪先,
當你放手,
放咗之後你都唔會見佢啦,尷戒,
你已經一無所有,
點解唔盡地一舖?

我唔會太詳細, 因為唔想好似你重覆又重覆, 我係你男友都頂

你唔順, 簡單而直接咪得囉! 要記住唔好為某人去改, 因為改咗

果個就唔係你, 只係為別人去掃做一個形像出嚟, 既然兩個人唔

夾, 點解要勉強, 勉強係無幸福! 你講到咁愛個男仔, 你想唔想佢

為咗你成日煩佢而唔開心? 愛唔係咁咖! 況且...你都話你下年要

會考, 點解唔將D時間去溫書, 可能你專心讀好D書之後, 有好既

成績, 將來個男仔有機會再同你一起未定! 若然真係無緣, 就繼續

俾心機去續好D書, 當你有咁既學問, 高既質素時, 你唔使愁無好

質素既男仔啦...! 你越煩佢, 真係令佢更加討厭你, 甚至覺得你好

無性格, 女仔要有番女仔既尊嚴, 你成日咁叫個男仔唔好同你分手,

你問吓自己....你有乜嘢值得個男仔留戀? 記住 ~ 唔好再去煩人,

影低晒所有女性! 要同自己講, 天下咁大, 一定有人會接受你既性格,

就算係幾野蠻, 幾任性既女仔, 一樣有人會鐘意, 會接受, 呢D係個

人既獨特性格!

你男朋友應該有了第三者,你或者看清楚再決定下一步怎做吧!

愛情係要接受對方既全部,唔係唔鐘意就分手
更加唔係咩求對方,真愛又點會要人地求妳
而妳話咩都要俾哂對方係最謊謬,就係妳呢種人成日俾人呃
妳話妳好愛佢,但妳既行為完全相反
妳愛既唔係佢,只係妳自己,妳依家話『愛』佢都只係為左妳自己
妳地2個都唔識咩係愛情,唔識戀愛就咪學大人拍拖
妳就自我中心唔理人感受,佢就唔識處理問題小小野就分手
點解妳地D幼稚生成日都係分手收場!!?
妳必定分手,因為妳地唔識去愛更加唔識處理問題
咪講咩冇對方唔得,好好諗下點解妳地會咁失敗
愛情係互相尊重,坦承溝通,了解,接納,關懷,體諒,共同計劃將來
妳同佢注定要分手,當妳思維成熟之後再拍拖先有機會有美滿既愛情

PS: 唔好為D咁幼稚既小事鑽牛角尖