(急)養金魚一問??thx!!

你養唔夠一個月就死晒d金魚,
有以下原因:
- 超養而缺氧
一個缸養過量金魚,
正常一升水養一條3-4cm既魚~
長 x 寬 x 高(cm) ．/．1000 = 水 (升)
你自己計計有冇~
- 餵糧太多而水質差
通常一條金魚食既魚糧唔駛太多,
原因係金魚唔會餓死,只要有野食,
但係養魚者都覺得好似餵得唔夠,
最後勁餵糧,
食剩既魚糧會留低係缸度,
而魚糧本身係乾既,
會開始出現發毛現象,
跟住將魚缸既水變酸,
水質就咁差左~
- 用含氯氣既水喉水養魚
新手一般都會用水喉水養魚,
其實有部分唔知係有氯氣,
或者知道而唔覺得會有咩影響~
其實氯氣好影響條魚既健康,
氯氣係化學物,
養魚,或其他蝦等都好啦,
化學品應絕少落,
氯氣會殺死條魚,
所以水喉水要進行養水後先用得,
將要用既水裝落任何器皿度放過夜一至兩日,
係一定除到氯氣~
- 無對水,水溫變化大
一買返黎既魚係用袋裝,
水溫一定同你既水水溫有唔同,
所以就要先對水,
洗乾淨個魚袋,
將成袋魚放入你既水度30分鐘,
長些少時間都唔怕,
之後就拆魚袋放魚入缸,
袋入面既魚水一定唔可以要返,
因為通常都有好多魚屎~
想d金魚養得長,
首要做既就係以上動作,
以上係最基本養魚一定要識既,
唔識就養唔起d魚~
另外,
我自己有一年用膠箱養魚既經驗,
無濾水器而用水草或氧氣珠養,
結論就係無濾水器通常養唔得長,
最多養一至兩星期就死晒,
氧氣珠仲係呃人既商品黎,
水草就朝早放氧,
夜晚放二氧,
咁就死,夜晚少好多氧氣,
所以無濾水器好難養到好魚~
好多人都會問咩魚好養d,
我自己覺得自己點養先係最重要,
如果個人好懶,又唔換水,又唔洗濾水器,
比咩易養既魚佢都會易得死~
如果個人係有心養,好勤力、有愛心咁對d魚,
比咩魚佢都養得好好,
所以我唔答你咩品種好養,
我自己就係養遍地金,
主要係我覺得佢地名又靚,色又正先養~
條魚甩鱗,
最好用食用鹽混暖水比佢浸,
食用鹽係有殺菌作用,
另外可以試下甲基藍(e.g.魚快治、魚救等藍藥水)
市面有得買,15蚊一支啦,
一支可以用好耐~

超養而缺氧

我不太明白你說無電掣的意思?

整間屋完全沒有取電源的地方?應該無可能!

如果整間屋無電源又如何能夠居住?

如果插電的蘇底較偏遠,可以用電拖板.

如果真的是無電可取的話,唯一方法是勤換水,

金魚是食得多又排泄得多的魚類,如每天餵一次,

2天便要換水1/2至1/3,最好用隔夜水.



金魚一般不會難養,甚麼品種都可以,

有病記得落藥.


有回答者的答案已有多次重覆在其他的問題上,有些內容都用不著在此問題上
太過長編大論!
金魚很粗生,換水可換一半都不用怕,就算用水喉水直放落缸也無妨,氯氣影響不大,
水草與養金魚拉不上關係!金魚會食水草,
養水草須要強力照明白光燈,須要光合作用,也要氮氣來互補,不可能與金魚一起養.

無濾水器空氣會污穢及唔衛生呀。

不過金魚快死都有好多原因喎，你平時有無留意金魚的身體?
可能牠買回來時或環境患上毛病 例如白點病啦。

買回來的金魚, 真係要細心觀察下呀。