去AnthonG買SkinCeuticals的貨可唔可較?

呢間公司賣的係水貨。水貨唔係假貨（除非有人將假貨當水貨賣就另當別論啦），只係佢唔係向香港的授權代理商拎貨，而係響原產地或者第二D國家等搵門路自己直接入貨。水貨化妝品一般會比行貨平，因為同一件貨品會因為物價、運輸費等，響唔同國家的價錢都會唔同。

舉一個例子你就會明白：Boots的護膚品響英國係普及的牌子，當地其實賣得唔貴，但當年的香港代理引入之後，就將佢定位做高檔貨，於是行貨價就高得好不合理（結果就摺埋囉～），於是有一批成日來回英國的人，就直接響英國入貨返香港賣，呢班人賣的咪係水貨囉！

至於AnthonG呢間公司，我向佢地買過Mario Badescu的瞬間淨痘精華，覺得唔錯，呢隻野響西武專櫃買要過$300，如果要我買行貨，我實唔捨得試。