我想問可唔可比紙巾倉鼠玩/用

A.想俾紙巾鼠鼠要留意返紙巾既質地,質地唔可以差,同埋要夠衛生,質地有問題既話,係有機會令鼠鼠過敏,嚴重既敏感會令鼠鼠死亡可以俾一d質地好既廚房用紙巾,即係大大片一卷之類既,但要將紙巾撕爛,特別係而家天氣熱,唔整爛d會好熱,在鼠鼠對墊材過敏時,用呢類紙巾會較好

但其實點解會諗到想俾紙巾俾鼠鼠玩呢?類似既問題之前都見過,但就唔係幾明紙巾有咩好玩之處?

B.想鼠鼠有野玩,最基本可以玩轉輪,隻可以話隻隻鼠都玩,轉輪要留意唔好係一間間有隙既(地板樓梯都係),會卡住鼠腳,咁會好危險,卡住而耐唔發現,係有機會令鼠鼠死亡

除左轉輪,鼠鼠玩既玩具最好係鼠鼠專用既木制玩具,可以俾鼠鼠爬唻爬去,鑽唻鑽去既就多數都會玩
木製玩具可以俾鼠鼠磨牙同磨爪,又易清理,又耐用,所以係唔錯既選擇
又有木制既食物盆,要鼠鼠自己開個蓋先食到野既

但唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,令鼠鼠有壓力,想像下你被困一個咁既物品入面,行極都出唔到去有咩感覺?

我自己就會買一排木,可以屈曲,整成橋狀咁放入籠(都有唔可以屈既木橘),一來可以俾鼠鼠咬,二來我既鼠大多喜歡在橋上橋下行唻行去

都係唔好比紙巾倉鼠玩/用喇!始中比佢地食左對佢地身物都會有影響架!!!!

我都試過咁做
開頭我見到佢地食左佢
不過 過多一陣 佢又吐返出黎
其實最好就用木屑
不過用紙巾都ok

可以，因為我朋友的5隻倉鼠都有d紙巾比佢地。

妳/您仲可以放d木比佢咬，會好d﹗﹗^^