✔ 最佳答案
天主教, 基督教都有好好人士既人, 亦有黑人憎既人, 基本上, 有人既地方就會有咁情況, 唔關宗教既事. 正如同一間學校都有d Miss /阿Sir 受歡迎, 有d就黑人憎一樣.
在下有個學神學既朋友話基督教以聖經為本, 天主教以人為本.
天主教基督教本是一家, 幾百年前鬧意見, 分開左. 不過唔係分成兩教, 而係由天主教會中分出好多個基督教既教會, 有d基督教教會再細分落去.
在下覺得天主教比較有組織, 對外講野, 起碼口徑一致d. 而基督教就散收收, 唔鍾意而家跟開既 [師父], 就可以自成一家, 拿著聖經任自己意思去解, 亦因此基督教之間不同教會經常互指對方不是, 又因為有d教派人數較少, 互相[搶客], 教友護教心切, 又不懂尊重別教, 聊是鬥非者多, 所以就比人 [黑人憎]既印象.
兩教學校都差不多, 都有宗教課, 都有祈禱唱聖詩, 大時大節有感恩祭/崇拜. 校風方面, 間間都唔同, 總之有教會背景既學校, 校風都會有個譜啦. 唔係話d無宗教學校一定差d, 只不過係參差d [=有好有唔好].
不過某d基督教學校只收基督教老師, 而未聽過天主教學校只收天主教老師. 對非教徒既同學來講, 只有基督徒老師, 唔知有時會唔會覺得孤掌難鳴呢?
參考: 在下讀過天主教學校, 教過基督教同天主教中學. 以上純粹個人意見.