我想問行山好去處???

今年秋天仍然比較熱，所以樓主最好等到十月先去行山。香港既郊區咁靚，有大把易行又靚既地方比樓主慢慢去。

首先我一定介紹大家行龍脊，即係石澳海灘上面嗰一列山。上去好容易，雖然要行一陣上山既樓睇，但上到去你可以一覽南方一望無際既大海同港島南部幾個最靚既海灘。行完可以落石澳或去埋石澳附近既海岸公園，天氣好既時候勁靚。樓主可以係筲箕灣巴士總站搭9號巴士去，然後問司機係邊度落車就得。

唔去港島，行下荃灣既城門水塘都好。呢度最好既係近市區，係荃灣有小巴去，去到主要係繞住個水塘行一個圈，完全零難度。城門水塘有個白千層樹林，有一條林蔭大道好靚，成日有人係嗰度取景拍戲。

另外有個地方應該介紹下，嗰度係粉嶺既流水嚮。呢度有一個小湖，平時波平如境可以見到對面小山崗既倒影，湖岸有一片青草地同後面一片樹林，成個歐洲樹林景咁，好難相信香港會有個咁既地方。不過呢度就無山行，因為係粉嶺有小巴去，之後行五分鐘車路就到。如果一定要行山都唔係唔得，因為你可以行去鶴藪水塘，不過聽聞嗰度幾隔涉，出來既交通唔係咁方便，樓主要注意時間。

香港既大潭水塘都幾好行。小弟有次深夜行山經過嗰度，係大壩上望向水塘對岸有個小島，上面有間小屋，隔離有顆樹，而嗰晚天朗氣清，成個滿月掛天上，係月亮隔離又有極光星，兩者光到令我面前既水面都有波光，而間屋同顆樹亦因月亮而有一個清晰既影係小島上。呢個畫面極為純美，小弟係嗰度足足睇左成十分鐘先繼續行程。

去離島行山都幾好。長洲係最好既選擇。長洲市區就當然無咩好行，但島既北部有個小山可以登高。南丫島據聞都有啲唔係好難行既山徑，樓主可以試下。

樓上位朋友提到北潭涌。其實嗰度除左燒烤同宿營就無咩好行。但係你若果行到去北潭涌個亭，最好入埋去萬宜水庫行到去西壩，因為個水塘既景好靚。係西壩，你會見到好遠既東壩，嗰度可以話係全港最偏僻既地方之一。雖然有車路連接，但係如果由萬宜水庫入口個亭計起行路去東壩，來回各3個鐘。所以最好既方法就係一程搭的士入去，一程行番出來。沿途既水庫景好靚，我第一次去既時候天氣極佳，個景成幅畫咁。東壩自己都有好多野睇。你可以睇下嗰啲巨型構成條壩既錨形石，又可以睇下係外壩同內壩之間通道石牆上既地質變化。嗰幅牆上面有啲六角柱型既石層，而且有一個位仲要明顯係因為地殼變動而扭曲，好得意。係石牆對面有個山洞，樓主可以挑戰行入去睇下，不過剩係由條路行去洞口都幾麻煩，樓主要好小心唔好跌落水。

長洲小長成行山一留有海景有涼亭

你是初學者就最好揀 D 家樂徑或 1 至 2 星既路線行, 你可以去西貢北潭沖, 果度有好多唔同程度既路線. 同埋你可以上網睇下
http://www.traveler.com.hk/