倉鼠下半身D毛開始掉了！！20點啊！

樓上網友講既方法唔同意,希望網友唔好介意及可留意一下:如果係皮膚病既情況,唔建議用鹽水洗,鹽水主要係可消毒,但始終鼠鼠濕水易生病,雖然試過看似係比睇醫生好,但要知道,病情輕重未必就咁睇到出唻,甩毛又未必只係皮膚病,而且單純既皮膚病唔係咁易致命,濕身感冒,就好危險了,有其他方法可以代替既情況下,最好唔好將鼠鼠濕水
加上而家發問者既鼠有下身濕既問題,未必只係皮膚病

甩毛可能係皮膚病,但更令人擔心既,係唔止皮膚病咁簡單,因為有下身濕既情況,怕係有第d可能性
鼠鼠既排泄物有冇異常?濕既地方係鼠鼠本身既問題,定係外來因素?鼠鼠咁既情況幾耐?有冇好累冇力唔郁既情況?
下身濕有以下可能:
A.水樽漏水OR自己沖涼時整濕
檢查返水樽會唔會漏水,測試水樽出水有冇問題,最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況,每之換水都將水樽水入滿,唔易漏水又易了解鼠鼠飲左幾多水

B.尿尿整濕or污糟
鼠鼠既身好貼地,所以尿尿既時候都易整到自己,太污糟濕住都好易令鼠鼠有皮膚病

A.B呢兩個情況就幫鼠鼠用紙巾抹下,小心唔好俾風吹到鼠鼠,濕身之後足到易冷親,好好做好保暖設施,如果抹完仲係好濕既話,可以包住再用風筒吹,唔好直接吹,都唔好咁近吹,唔好開到好熱,少少好啦,唔係一冷一熱好易病,記緊唔好令鼠鼠凍之後,忽然提升太高溫,同時要留意返皮膚病既處理方法

C.肚瀉or便秘
肚瀉or便秘都會patpat濕,檢查返鼠鼠既排泄物有冇異常,而呢兩個情況都會較污糟,易令鼠鼠甩毛

分辨肚瀉or便秘:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左or少左,如果平日冇留意既話,就較難用呢個方法難分,不過多數之前講既方法已可分到
5)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘既話可能會較難排泄

D.濕尾症
特徵及處理方法:
1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!
2)鼠鼠會唔係點食野,冇咩力咁
3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死
4)濕尾症會傳染,患病期間一定要將鼠鼠隔離,鼠鼠既用品同籠都要清理得好,但怕打擾到鼠鼠令鼠鼠有壓力,所以3日左右洗一次籠就可以

C同D項記得都要保持環境乾爽清潔,小心D處理鼠鼠既用品,唔好有機會同第隻鼠既用品一齊洗,掂完鼠鼠之後,都記得要洗好手先再掂第隻鼠,處理好呢D嚴重問題,仲有甩毛先將鼠鼠作皮膚病處理

皮膚病
如果甩毛甩到見肉or抓損自己,冇其他病徵,咁就可能係皮膚病了,皮膚病好少會致命既,唔洗太擔心,但都要留意下有D情況都會甩毛:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
3)有第隻鼠打佢,打到d毛甩左or有其他外傷

字數有限,有皮膚病既做法可參考以下我回答既知識;
http://hk.knowledge.yahoo.com/question?qid=7008061602900

用鹽水洗
我0個時有兩隻先後都係咁，一隻睇醫生食藥，一隻洗鹽水，前者好唔返，後者出返毛之餘仲肥肥白白，但結果canser死左。

2008-09-13 12:54:17 補充：
cancer