想請教有關於囚犯或未被定罪還押犯人的權利,Thankyou!!!

1.懲教署可以以人道理由, 在有條件下批准在囚人仕出外奔喪. 但亦可以無需透露理由而拒絕批准在囚人仕出外奔喪.

2.未被定罪的還押犯人其實唔算服刑. 所以同在囚人仕唔同, 基本上懲教署必須批准其出外奔喪嘅, 除非有以下 (3) 所講嘅情況.


3. 對還押犯人嚟講, 懲教署基本上必須批准出外奔喪, 除非有以下理由, 就可否決批准:
a. 如被還押囚人仕曾經棄保潛逃或嘗試逃獄
b. 如被還押囚人仕曾經在入獄時體內藏毒
c. 如警方有理由相信出外奔喪會對該還押犯人自身或其他人仕的人身安全或公眾安全構成影響而提出反對
d. 如警方有理由相信該還押犯人出外奔喪會對案件調查有影響而提出反對
e. 如警方有理由相信該還押犯人出外奔喪會嘗試逃獄而提出反對
f. 如警方有理由相信該還押犯人出外奔喪會對司法程序有影響而提出反對
g. 如警方有理由相信該還押犯人出外奔喪會對証人構成影響而提出反對

4. 對在囚人仕嚟講, 懲教署有絕對審批權, 而唔需要知會 /資詢警方. 大致上唔批嘅理由如下:
a. 如懲教署有理由相信出外奔喪會對該在囚人仕自身或其他人仕的人身安全構成影響
b. 如懲教署有理由相信該在囚人仕會嘗試逃獄
c. 如該在囚人仕正在隔離禁閉或正在接受紀律處分
d. 如該在囚人仕屬A級犯人 (所餘刑期十年或以上)

5.懲教署規定, "至親奔喪" 的 "至親" 定義係父母/夫妻/子女. 兄弟姊妹/外父外母/老爺奶奶係唔算嘅. 其他叔伯契哥更加唔算.

6.在囚人仕出外奔喪時, 會有以下規則 / 限制:
a. 只會到靈堂鞠躬, 唔可以燒衣, 裝香, 守夜, 上山, 解穢
b. 一入去就鞠躬, 跟住瞻仰遺容, 搞掂就即刻要走. 無得坐吓, 傾吓計等
c. 不准同任何人(包括家屬)談話及有身體接觸
d. 不准同任何人(包括家屬)傳遞任何物件
e. 犯人必需簽名同意被 "A級戒送", 即係會被鐵鍊圍腰, 上懲教署手扣 (特別大同笨重)及鎖腳鍊

7.同(6)

8.不可同犯人談話, 有身體接觸及傳遞任何物件

9.同(8)

10.不可以. 犯人會在外出時換上一套懲教署在2000年時引入的外出制服 (俗稱去街衫). 去街衫並無囚犯姓名及編號 (唔似囚衣雞乸咁大隻字), 內容包括: 啡色風褸(冬天), 深藍長袖衛衣, 深藍長衛衭, 灰襪, 啡色白飯魚. 去街衫代替咗囚衣, 俾d犯人出街 (奔喪, 睇專科醫生, 去差館認人等等) 時著, 等佢出街時無咁顯眼, 唔好嚇親街坊 (其實多餘嘅! 扣住手扣, 兼有兩個軍裝傍住, 係人都知佢係犯啦!).

11.同(10)

12.無其他人道理由可申請短暫外出. 但係因以下理由可外出:
a. 醫療理由, 例如去政府醫院睇專科醫生
b. 執法理由, 例如去差館認人 / 俾人認
c. 法庭理由, 例如上庭

13.同(12)

____________________________

答你咁多嘢先俾得5分, 下次唔好咁孤寒啦!