點解bb要食保嬰丹,珍珠末定驚?係唔係一定得?食得多第日係咪成日要依賴藥物?對身體會唔會唔好?

首先你要肯定BB無G6PD呢個症先可以食保嬰丹同珍珠末!!!
我就唔覺得保嬰丹可以定驚啦!
裡面需然都有珍珠末成份, 我本人覺得都無咩用,
直接食珍珠末仲好, BB果晚會好好訓嫁~
不過如果佢肚仔唔舒服, 或者有少少傷風症狀,
我都會比佢食保嬰丹既, 食一兩日就會無事,
仲有既話當然要去睇醫生啦!!!
呢D此終係中藥, 成日食都會對身體唔好,
無乜特別都唔好成日比佢食,
我仔仔依家歲半, 都好耐無比佢食啦!
不過都會買定盒o係屋企睇門口.
其實都係一歲前出街玩, 玩完好多時都會發惡夢先比佢食珍珠末,
同埋細個好多時都會肚仔唔舒服先比佢食保嬰丹,
大少少身體好左就唔洗食嫁啦!
所以你都唔洗驚佢會食得多依賴左,
你自己都唔會o係咁比好多佢食啦!!!!

保嬰丹同珍珠末都有定驚既用途，不過食得多就真係唔多使得。所以唔好得閒冇事比佢食，d老人家以為食定先有預防作用，其實食得多左，bb會有抗性，到時就起唔到定驚作用架喇
好似我個仔咁，佢果日玩得好興奮既話，夜晚就會發夢，半夜依依牙牙叫，訓得唔好。所以如果我見佢玩得癲，我就會訓之前比佢食保嬰丹，打一打底，咁果晚就會訓得好d架喇
其實珍珠末作用都係差唔多，不過純珍珠末貴之餘，亦有機會買到假野，就算有機會買到真既，食得多純珍珠末對bb係唔好既，所以要食既話，食保嬰丹就足夠架喇