✔ 最佳答案
首先你應搞清楚, 你嘅所謂 "刑事索償". "刑事" 同 "索償" 係兩回事. 基本上係無 "刑事索償" 呢樣嘢嘅.
合伙人用公司的名義向銀行借左 60 萬, 之後走左, 銀行有兩條路行.
(1). 如果銀行相信佢在申請過程中有欺詐成份, 咁銀行會報警. 由警方作出調查. 呢樣叫 "刑事".
(2). 如果銀行相信佢只係借錢唔還, 而無欺詐成份, 咁銀行會循民事入禀法庭, 向佢追討 / 索償.
講吓呢兩個情況 (我只講你朋友, 唔理佢合伙人):
(1). 如果銀行報警, 警方會揾你朋友俾口供及檢取所有公司文件, 紀錄及財務文件去調查. 如經調查後, 發現無人犯法或你朋友無份犯法, 咁你朋友當然無事啦.
但如果發現你朋友有份呃銀行, 咁就會拘捕佢, 控告佢及由法庭審訊佢. 如被裁定有罪, 你朋友會留案底及可能要坐監.
(2). 如果銀行循民事入禀法庭, 就會係告間公司, 向間公司追討索償. 呢個情況, 就要間公司係乜嘢公司. 如果間公司係有限公司, 而你朋友無就呢筆貸款做擔保人, 咁佢就唔使上身. 至多係公司清盤, 董事同股東係唔使私人向呢筆債項負責嘅.
但如果果間公司係無限公司或合顆人公司, 又或你朋友係呢筆貸款嘅擔保人, 咁佢就要上身. 銀行追唔到公司, 就會追你朋友. 你朋友係要就全數債項負責. 你朋友如果無錢還, 最終銀行可能申請佢破產, 又或者你朋友自己申請破產.
補充一句, 在情況 (1)中, 銀行報警之餘, 亦可循民事途徑告間公司. 在此情況不, (2) 亦會 apply.
2008-09-13 15:28:05 補充：
1. 我唔明你問乜. 乜嘢叫做 "銀行會唔會比左錢佢先呢"?
2. 既然銀行相信有欺詐成份, 如果未放錢俾佢, 當然唔會繼續放錢俾佢啦.
2008-09-13 15:29:12 補充：
話明有欺詐成份, 銀行重點會俾佢呢?
2008-09-13 15:33:38 補充：
以刑事嚟講, 還唔還錢都會控告佢, 唔會話還咗就唔告嘅.
佢涉嫌犯刑事, 你重借錢佢. 你真係: 1. 有義氣到不可思議 2. 蠢 3. 大把身家唔至在. 請自選答案...
