結婚有啲咩要攪?

(1) 請問結婚大概有啲咩要攪?
結婚要籌備既嘢真係好多，仲要樣樣都係錢！！！


1)搵風水師傅擇日，之後先可以去搵酒樓 (幾百元)


2)要預算一吓，擺酒？
响邊道擺？每圍預幾多錢？宜家最平到要成$5000/圍(包酒水)


3)想點樣註冊結婚 (去婚姻註冊署註冊一定平過搵律師証婚！平日註冊價錢比星期六、日平 )


4)俾女家媽咪既唐餅幾多？西餅又幾多？你自己派既又幾多？
(宜家一張唐餅卡大概$35，西餅卡(美心Expo價)大概$38；已經有8折)

5)影婚紗相：香港影比其他地方影已算平，起碼慳左機票錢
宜家影婚紗相package大概$2800~3500，未計upgrade啲晚裝、買男裝恤衫)如果計埋，嗰package大概要成$4300左右。到買相，影得靚又會買多啲(50張相左右)，又加大埋幅油畫、簽名布、upgrade埋本相簿，你預大概$8K~10K，不過都係睇住自己嘅 budget買相囉...

6)結婚當日化妝？大概$3500~4000(已有質數保証)

7)結婚當日婚紗、晚裝？大概$3500~4000( 1婚紗& 3晚裝/1婚紗、 2晚裝& 1男禮)

8)褂? 大概$600 (已屬於保証頭 5 次內外租)

9)結婚介子？(豐儉由人)

10)印帖？(好多酒樓已包括)

11)結婚當日花球、襟花、手花？大概$1000；如果兄弟姊妹嘅襟花手花唔用鮮花改用絲花會平啲

12)過大禮？(豐儉由人)

13)禮金？(豐儉由人)

14)結婚當日攝影？ 大概$3500~4500

15)開門利是？俾兄弟姊妹既利是？(豐儉由人)

16)其他極瑣碎既物品？5K


17)去邊道渡蜜月？
希望以上資料幫到你做預算，不過大有大搞，細有細搞，最緊要睇住自己銀包有幾多錢去做每一個決定，『應洗則洗、應慳則慳』....

(2) 婚禮當日嘅程序係點?

婚宴流程：


新郎新娘上頭

化妝師到達女家

姊妹到達女家佈置

兄弟到達男家佈置花車

新郎兄弟出發接新娘

玩新郎兄弟

斟茶(女家父母 & 女家親戚)

新娘出門返男家

斟茶 (男家父母 & 男家親戚)

食午飯 (男家父母 & 一對新人)

回門 & 食飯 (一對新人)

兄弟姊妹到達場地預備

新人出發到酒樓 / 酒店

化妝師到達酒樓 / 酒店

賓客到達，拍照

斟茶 (男、女家長輩)

切餅儀式，拍照

律師到達會場

司儀宣佈入席

司儀介紹一對新人，新娘更換衣服及補妝

影片播放

新人進場 & 註冊儀式開始

切餅，合巹交杯

新人致詞及致謝

上菜

抽獎及遊戲

敬酒

拍照 (賓客補拍照)

送客

結脹
(3) 點先可以用最少嘅錢去攪一個得體嘅婚禮?
答：去多啲唔同嘅 forum，睇吓啲人去邊道訂嘢買嘢 book嘢平 & 點樣做先至係最 so！每做一樣嘢都要諗清楚，切忌心急 & 一定要格價！同埋每個項目最好訂一個預算金額，唔好超出你哋嘅 budget！
(4) 結婚當日只有伴郎伴娘伴住我地, 會唔會好肉酸?
答：可以嘅話，新郎新娘每人搵多 2 - 3 人，會好睇啲！不過其實都無咩所謂，最緊要你 & 你未來老公倆人開心啫！


>>>你可以上以下既網址，揾到好多有關結婚既資料架！
http://wedding.esdlife.com/home/chi/default.asp

祝白頭到老、永結同心！

你不如揾人幫下手啦！我舊年結婚經朋友介紹咗個Wedding Planner幫我搞結婚，有人幫而且錢又無用多到！幾好架，你有興趣就email佢啦．佢email: [email protected]

安伯話：結婚嘛，大有大攪，細有細攪，其實可以好輕鬆！

俗例可以簡化，就只做必做的：

擇日唔一定要搵風水師。楊天命講過：擇日只影響結婚當日儀式順不順利，跟日后會否白頭偕老無關。就考慮你倆工作因素，照通勝上有<宜結婚>標志的擇日。搵酒樓平過酒店。

過大禮一定要做。跟女家商量，搵日大家都得閒，新郎加一兩位長輩(哥、嫂、姊都得)，買一個果籃，連禮金(禮封)，其他物品全免，去拜會女家，男女家人見見面，食餐飯(女家請)，禮成。

你擺酒得幾圍，唔使印帖，用酒樓提供的。

禮服可以租，新郎一套，新娘要掛裙，婚紗，另晚裝2套。

化妝小姐，攝錄影師托朋友介紹，自己上公司問實收貴的。

結婚前一晚要做上頭儀式，有成套用品賣，依說明書做。

結婚當日可以簡單的：

安排註冊、結婚同一日做。取消玩新郎環節，選吉時(通勝有標)，新郎連伴郎到女家(開門利是隨意)，拜祖先、敬茶、出門、回男家拜祖先、敬茶。換婚紗去註冊處。

時間充足，可以外影婚紗照，現今相機放大相可接受，加畫框，ok。

晚宴人少少仲好，簡簡單單，全部賓客都照顧到，唔怕失得任何人。新人可以親自招呼親友，介紹另一半，影下相。進埸儀式酒樓會安排；敬酒后唔好玩新人，慢慢食，怕悶可以播番早上迎親註冊錄像。

結婚當日只有伴郎伴娘伴住, 唔會好肉酸，好多外國返港結婚都係咁做。

2008-09-17 11:33:21 補充：
花車找朋友借；又或者租中巴，可以男女家家人一起去註冊處。

介紹攝錄影師俾你，只收行家價。