與案情無關的人可以去聽審嗎

1. 旁聽冇需要咩條件. 你可到以下網址查看各法庭每日的案件審訉時間:
http://www.judiciary .gov.hk/tc/crt_lists /daily_caulist.htm
在高等法院及地方法院, 每個法庭門口都有個牌, 列明該案的旁聽分類:
法庭聆訉(公開) / Open Court (Open to Public) – 公眾人仕可旁聽
內庭聆訉(公開) / Chambers Hearing (Open to Public) -公眾人仕可旁聽
内庭聆訉(非公開) / Chambers Hearing (Not Open to Public) - 與案無關人仕(包括犯人家屬)不得入內
"法庭聆訉(公開)"係正式審訊. 所有公眾人仕皆可旁聽. "内庭聆訉(公開)"通常係處理一d法律上嘅程序問題. 公眾人仕亦可旁聽. "内庭聆訉(非公開)" 通常係處理一d犯人嘅犯人問題.與案無關人仕(包括犯人家屬)不得入內.
見到 “非公開” 就唔好入啦!
去裁判法院旁聽, 就無以上規限. 係庭都入得.

2. 注意事項:
a. 你係可以中途進場 / 離場的. 但每次進場 / 離場記得向法官鞠躬.
b.. 旁聽可以筆錄. 但不可以用錄音機或影相.
c. 服飾: 法庭並無規定旁聽人仕的服裝. T-Shirt, 牛仔褲, 波鞋, 短褲, 人字拖都無問題. 好多法庭記者都係著牛仔褲波鞋. 但法庭始終係一個莊嚴地方, 著得整齊係代表對法庭嘅尊重, 亦係尊重自巳. 所以太暴露, 太標奇立異, 人字拖, 無袖阿伯底衫, bra-top, 超迷你裙就可免則免啦.
d. 言行: 在庭内要保持肅靜, 唔好同朋友傾計. 唔准食嘢, 飲嘢, 睇書報同咬香口膠. 入法庭前要除帽, 盡量唔好帶年幼小朋友到法庭. 記得要關上手提電話同call機(震機都唔得, 因會影響庭內的錄音裝置).

2008-09-13 20:16:33 補充：
可以. 雖然規定唔好在法官在場時飲, 但你飲水大部份官都唔會理你, 因為在場各人都有水飲. 你唔飲到咕咕聲兼嘔大氣佢唔會理你.

***反而最緊要關上手提電話, 唔好彩響起上嚟, 勁難為情. 喺Court仔 (裁判署)有d官會沒收你個手提電話, 到下午散庭先俾番你. 震機都唔得, d 咪好敏感, 一有電話震, 錄音室會打俾書記, 書記會當場踢爆, 勁瘀! ***