回門金豬的問題

安伯話：時代係進步，改變一定有理由。唔使煩，用乳豬。

以前大家住得近，親戚又多，乳豬點夠分，一定要中豬。

而家，望到隻豬都唔識搞。拎埋去酒樓分比啲親戚食，一家一袋返屋企，講笑吓？好耐無見人托隻豬四圍走啦。

燒味店嗰啲金豬券用來代替真豬派俾親友。

只係派俾女家親戚(疏遠的都唔使)，男家完全無份。

餅卡夾埋係請帖派，金豬券係酒樓至派(之前未回門，無豬)。

(1) 請問結婚當日, 回門時應用金豬定乳豬?
答：睇你媽咪 &爸爸鍾意。好似我自己咁，我媽咪話乳豬唔夠體面，所以我就要訂隻中豬喇！

(2) 係咪由新人當日親自拎去女家?
答：如果你係訂乳豬，咪回門時對新人親自拎上女家；但如果係訂中乳，你哋根本拎唔到，咁就叫燒肉店响你哋到達女家之前先送上去...(因為隻豬只可早到 / 一齊到，但係唔可以遲過對新人到達女家)

(3) 咁燒味店嗰啲金豬券又有咩用?
答：回門豬係男家俾女家父母派俾親友嘅，你都知嗰日個個人都著到咁 grand，但如果要由女家屋企將一舊舊分好嘅豬帶去酒店 / 酒樓派俾各親友，啲親友又要拎住走，都真係幾麻煩 & 好油。所以為咗方便各親友，宜家好多人都會買金豬券响酒店 / 酒樓派俾親友，大家方便....

(4) 隻金豬係咪要即時分比男家及女家啲親戚?
答：係！燒肉店嘅人識分架喇！佢哋仲會一盒盒咁入好，方便拎。而回俾男家嘅豬頭、尾、手都會用袋入好 & 有張紅紙貼住....

(5) 因為我屋企唔係有太多親戚, 咁用乳豬代替大金豬得唔得?
答：梗係得啦！不過你最好都係問吓你父母 O 唔 OK先！如果唔係，你一心諗住回乳豬，但佢哋想你回中豬，到時攪到唔開心就唔好啦....

(6)我check過一隻金豬有成35-40斤,我地根本食唔晒？
答：你講嘅金豬係最大嘅 size喇！如果唔係咁多親友，咪訂隻中豬囉，好似 20斤左右！因為乳豬真係太細隻，驚到時唔夠派俾啲親友！

(1)回門用的是金豬(中豬/或大豬),乳豬太細隻,唔夠大體.

(2)是由男定預訂,由燒腊店送去女家.....但越來越 小人這樣做,因為燒腊師父切開一份份,留待晚上飲宴時送給親友,燒肉已不新鮮脆皮.

(3)因應問題(2)的原因,現在用金豬劵送贈親友,親友喜歡什麼時候取都可以.

(4)原則上是,但香港地方話大唔大,話細唔算細,親友分散香港,九龍,新界,離島.所以好多主家都係帶埋D燒肉到酒樓送給親友,而不會送到親友家中.