✔ 最佳答案
其實樓上果位講得好好喇
1) 因為BB習慣左十個月係媽媽個肚到,聽到媽媽既心跳聲,跟隨著媽媽既活動,成日都會係肚到搖來搖去,所以出左世之後,訓係硬板板的床上面,冇左媽媽的心跳聲,冇得跟住搖黎搖去,就會用佢唯一既表達/發洩方法 - 喊,去引起其他人既注意,叫人去理下佢,抱下佢。所以當你一抱起佢,多數都會收晒聲,一放低佢,佢又會即刻喊。如果真係狠心既話,都可以完全唔理佢既,不過佢唔一定會收聲架啵,有D長氣既BB真係你一個鐘唔理佢,佢會喊足一個鐘,所以有冇需要咁狠心去對待BB就自己決定喇
2) BB打"思憶"係好平常既事,因為佢地既橫隔膜未發展成熟,所以會成日都打"思憶",基本上你可以唔使理佢,隔一陣佢就會好番架喇。但係若果真係想搵D方法都有既,一係整喊BB,你可以彈佢腳板整喊佢,喊完就唔會再打架喇。一係就"唧"佢笑,笑得勁又係會唔打既。至於飲水就要小心喇,一兩啖都可以,不過因為BB都仲係細個,佢打緊"思憶"果時,如果咁岩又飲水,"吞錯隔"就會麻煩D喇。