想自己在家弄芝士焗龍蝦招呼男友, 唔識整 :(

你好, 提議如下：


芝士焗龍蝦

材料：
龍蝦一隻（約一斤半）
洋蔥一隻
蒜頭五粒
牛油一湯匙
芝士（起士）四片
鮮奶兩碗
腸仔兩條

做法：
先把龍蝦頭扭斷，再把蝦頭瞉掀起，用刀刮去腮部及細觸腳，把頭斬開成粗塊，如有粗腳，就用刀背拍打，使其瞉有裂痕，再小心把龍蝦身斬開兩邊，去掉中央的蝦腸，再順關節，每兩節斬成一塊，全部洗乾淨滴乾水，多肉的部份和多瞉的部份分開備用。洋蔥切絲，蒜頭剁成蒜蓉。燒一大鑊滾油，油一定要夠滾，龍蝦肉和瞉分別洒約兩湯匙生粉，先落龍蝦肉於滾油中炸，炸至九成熟，再落龍瞉炸至熟，把油倒起。落牛油、洋蔥、蒜蓉同炒。炒至微黃有香味出，就落兩碗清雞湯，加四分三茶匙鹽調味，汁煮開後放炸好的龍蝦，再放腸仔兩條在碟左右旁邊，
而加芝士在其上面，加鑊蓋大火焗，另外加三大茶匙生粉於鮮奶中調勻備用，龍蝦焗至水份快乾，就可以用鮮奶打芡，芡全熟就可以鏟起上桌。

預祝成功, 謝謝。