PC 機 - 如何禁止使用Internet Explorer

想封鎖 IE，唔係唔得，不過方法有點複雜：

Microsoft 有個免費的工具，叫 "windows steadystate"。呢個軟件係針對家庭，學校，及中小企的電腦安全，能夠限制使用某些已安裝的軟件，而且可以逐個帳戶設定，例如帳戶 A 不能夠使用msn messenger 及 IE，但仍然容許帳戶 B 使用。

除此之外，亦具以下功能：

- 停用 usb 儲存裝置 (例如 usb 手指)；
- 限制使用者更改系統設定 (類似 restricted user)；
- 設定系統還原點，並強制每次開機都會自動回復至該還原點 (即係自動化 system restore)

由於個軟件完全免費，所以 microsoft 只提供網上 webpage 支援，及軟件內的 help。不過已免費軟件來講，功能已經好強大而且亦算易用了，只要花少少時間摸下就得。

下載網頁 (要求正版 windows)：
http://www.microsoft.com/downloads/details.aspx?FamilyId=D077A52D-93E9-4B02-BD95-9D770CCDB431&displaylang=en

不過要留意，呢個軟件的設定只可以有效限制 <受限制的用戶>，如果你的家人用 <系統管理員>登入的話，佢可以直接開返呢個軟件取消其限制的。所以要設立 <受限制的用戶> 俾家人用，只有自己用 <系統管理員>(記得要幫自己個帳戶 set password)。

更改其他人 (家人/朋友) 使用者權限的方法：
按 <開始> 到 <控制台>，<使用者帳戶>，選擇其他人的帳戶並更改成<受限制的帳戶>就可以。

另外亦千萬要用密碼保護 admnistrator 帳戶 (開機時按 F8 鍵，入安全模式就見到)，否則其他人都可以入去 administrator 度攪攪震，都係功虧一簣的。

你亦唔需要擔心咁做會影響到家人/朋友日常使用電腦，<受限制的帳戶> 仍然能夠做一般工作，包括上網，使用大部份原本已經安裝係電腦上的軟件。只係唔能夠做以下的工作：

1. 不能夠胡亂安裝 / 刪除軟件；
2. 無法更改系統設定。例如不能夠 disable 個 windows firewall，或更改自己個用戶權限 (即係唔能夠將自己個帳戶昇返上 <系統管理員>，唔能夠自行增加新使用者帳戶)；
3. 不能夠更改其他電腦使用者的設定 (不過仍然能夠有限度更改自己個帳戶的設定，例如 wall paper 等)。

禁止我就唔識不過我就識得點樣唔用internet explorer上網..."

你首先要dl左其他上網既軟件."firefox"係其中一個..

你dl左firefox之後就可以用firefox上網.

之後佢就會問你是否使用firefox作為預設''你按是就得