驚喜啊...三個夠唔夠.??女士請留意

講真..你今年一次過送3樣可以令到女朋友驚喜既野..
未必係最好..
因為你要考慮到第2年,第3年..之後....
你仲可以送咩??
到時就真係諗到頭都爆都未諗到..
而女友就會因為你曾經送過咁驚喜既野而對你有期望..
希望年年都係咁...

所以......
我覺得單單一個自製音樂盒已經足夠

呢三個驚喜非常好，如果我係你女朋友，我會呢世都會記得呢一日！

祝你同女友可以甜甜蜜蜜！

我想反問一樣野~唔好怪我打擊你~
第一年咁多花樣...二年同第三年？之後既日子？結婚紀念呢？

定係你想呢個拍一年就算？

睇你咩時候,咩氣氛咩心情送啦..
講真,我自己係個女仔
如果果刻冇咁既feel冇咁既心情既話,就算你真係跪響度同我求婚我都唔會開心囉
不過就咁睇你都幾有心思既,但係提提你自制紙音樂盒呢個idea唔錯,不過你要小心,因為"紙製"可能會易變形&D紙長經過時間一定會晦同發黃,我建議你可以用D本身有顏色或者花紋同埋比較硬身少少既紙整,同埋送既佢果陣最好連帶有一個"強壯"少少既盒入住佢,等佢平時都keep到,而且就算時間耐殘左都冇咁覺,唔係好快"丫噢"
加油囉~
祝你成功帶比你女朋友一個幸福甜蜜既1週年回憶=]
記得話我知結果

你好。

可能你年紀好細, 但你必須首先要知道何謂幸福, 呢家野絕對唔可以用物質或金錢去衡量足夠既份量。

當然值得一讚係你好有心思 : 又有花、親手整蛋糕、自制音樂盒。
但記住, 女性希望既幸福雖然係無形而佢地會親身感受得到, 你仲要好好對佢, 例如 : 尊重、愛護、支持、鼓勵、分憂...., 大家一起走既路會相當漫長, 良好而持久既關係唔係一朝一夕就有, 而要大家用心經營架....。

作為一個女性當然對幸福有期望, 總想有人響身邊擋風遮雨、互有溝通; 你作為男朋友更要時刻保持機警, 而家出面人或事都有好多誘惑, 好男人買少見少, 你要專心一致、從一而忠。 學家好月圓話 : 有金錢唔係大晒、有禮物唔係大晒、沿途有你先係大晒！！

努力D年青人, 希望你會係其中一個男人中既極品啦......, 謝謝。

如果有埋戎指，咁就完啦！