分手後仲會唔會有感情!?

我係男仔，以我咁多年自己同身邊朋友o既經驗：

1. 如果男飛女，一般唔會，因為一舨男仔提出分手前都會經過好詳細o既考慮，sure自己真係對女方無唒感情，甚至拖o左好耐先會提出分手；

2. 如果係女飛男，唔排除有呢個可能，因為人係犯賤（特別係男人），好多時都要等到失去o左之後先知自己身邊o個個o既重要，呢個時候先識珍惜。

不過想問樓主係咪ex-bf搵o番你，所以你咁諗？如果係，我覺得你唔駛諗呢oD o野住（除非你對佢餘情未了），或者人o地宜家只係當你係朋友咁搵o番你，話唒大家曾經拍過拖，大家應該對對方有一定情度o既了解，做唔到情侶做朋友都好o麻

妳應該諗各自走各自既路
唔好再幻想同會同返佢一齊
如果唔係妳只會損失得更多
妳同佢既事已經成為歷史
歷史應該記住,但係唔應該過份懷念
如果妳地係0岩既妳地無論遇到幾多幾大困難最後都會一齊返
但係唔好特登渴望個男仔會返黎搵返妳
而妳亦都應該努力面對將來
等妳最終既真命天子既出現
真愛唔一定會係開心或者唔開心終結
但係一定唔可以強求

情因為互相欣賞而開始，人因為互相心動而相愛。如果你或對方只係因為種種嘅條件去愛一個人，你地只係想要擁有對方，或者係擁有對方嘅愛。當時間耐左，愛情就會不知不覺中轉變為感情，你地會逐漸將對方視作你生命中嘅一部分，有D人因為唔可以離對方而選擇結婚，有D人選擇繼續追逐激情而去愛另一個人。有D人會不知不覺中張愛情轉變為感情/友情同親情，又有D人會發現，要一直改變自己去適應對方會好辛苦!所以會選擇分手,去揾一個更適合自己既人
你應該問自己你會用幾長時間去感動對方,幾長時間之後你真真正正放棄﹖每個人都有佢自己既撰擇,對方唔一定要接受你既友誼/關心/愛情,所以唔好俾自己太大壓力,亦唔好俾對方太大壓力,就算真係失敗你都只係輸左比俾自己既耐性,啱唔啱?

會..可能就跟本一直都係鍾意緊..

好簡單之嘛
如果女方提出分手
男方可能仲有愛意
女方都唔排除
因為可能係因為太愛佢
接同唔到男方做既某D野
所以「好心痛地」與他分手~
男方提出分手都係如此類推啦~

如果係雙方都同意分手，想分手既話
就唔係好可能鍾意番喇
唔係完全無可能
但......30%可能性啦~

衰格D講句...

如果女方本身外表身材都唔差...
加上如果係女方主動既~
十成九都會係返一齊既~

除非男方有女朋友...
不過都唔擔保會一步踏兩船~

視乎邊個飛邊個...
如果係男仔飛女仔ge話
咁姐係無晒感情啦...
相反
如果係女仔飛男仔ge話
咁個男仔一定鐘意返個女仔

個人覺得唔會，因為男人好冇記性，可能同你一齊都未必鍾意，何況分手之後？！

吾可以排除呢可能性
吾理邊個提出分手
即使系男方提出
佢都有可能鍾意番個女仔
但系 無人知佢諗乜架喎-.-