新牌買車同一個月要洗幾錢度．．．

1)新牌渣323會唔會好難contral?
唔會
2)我平時見到2手都係萬五蚊度~我真係去買果日仲要比d咩錢?
一千元轉名費
3)我咁既牌令,年令,出保險幾錢度?(我有上過好多網睇,佢地都係要我比多d資料)
唔夠牌齡最低都要四五千，跑車可能要過萬或出唔倒！
4)我一個月養車大約要幾多度?
最小三千
5)我買2手車要注意d咩?
試車時聽清楚有無怪聲，行車放開手試試會唔會行唔直，車底有無流油，生鏽，
如果想專業d比錢車房驗囉！大約一千
6)買車果日有咩手續????
出保單，約交易，再試清楚部車，轉名


2008-09-12 11:57:20 補充：
你呢d新牌仔千萬不可去那些二手車展銷會買，否則一定比人劏到一脛血，仲要比部爛車你

2008-09-12 12:09:36 補充：
選車最好不要那些轉手數高，大量改裝，新噴油，和出名飛仔車，否則驗唔倒車，過唔倒路章就好麻煩，仲有一些年份高又好新既車好可能是套牌車，都要小心

唔算太難 control. 不過個人認為, 新牌仔都係揸冇尾車好 D. 泊位睇位都易 D 嘛. 如 echo 之類個 D 車仔.
如果你唔使上會供車. 基本可以話係比錢過2-3日內可攞車走. 因期間都要攪手續 ka 嘛. 如買保險, 往運輸處轉名之類. 二手車行會一條龍幫你攪 ka la.
買保險, 真係好視乎牌齡及車種 ka wor. 一般黎講, 323 唔會太貴. 而且仲係 9 幾年車. 故你唔使買全保 ka la. 一般人只會買第3保. 平好多... 如果你架車價係2萬蚊咁上下. 3保我估頂盡 $3000 有找. 一年一年計... 每年加 10% NCB.
泊車, 行車証 (一年 $3929 / 1500cc 以下), 基本油錢, 隧道費, 洗車費, 可能要預 D 修理費因話晒已經10年車.
一定要驗車. 最好搵 AA 車會. 有信譽嘛. 未驗車前一般都要落訂先. 記住係臨時合約上寫明. 如果驗車唔合格可退訂之類. 唔好口頭承諾就算呀. D 二手車行好鬼古惑 ka.
手續係... 睇車先, 落訂, 驗車, 買保險 + 行車証等. 驗車 ok 後比埋 D 尾數 / 車行幫你去做轉名. 跟住約日期攞車兼攞埋牌薄 lor.
Good luck!!