941應吾應該放??

而家咁環境走得快好世界,
如果好喜歡941,趁小彈就即刻沽,最多等佢跌到落$60邊;先再翻炒,呢排萬勿溝貨!否則好易跌入無底深潭....
圖片參考：http://tw.yimg.com/i/tw/ugc/rte/smiley_40.gif

計一計，你ｇｅ平均價係１１１．８左近，而家沽，唔見咗５萬幾，你捨唔捨得先？

係我就一定唔沽住，因為個市唔會成日係熊，而且係ｅ個時候，都唔單止你食僅蟹宴，我都係一樣，我响１１５．８都有入９４１，一跌穿＄１００時，我都唔止蝕，就唔會放佢ｋａ　ｌａ，因為要止蝕，係一早跌穿＄１１０嗰陣時，點會係ｅ家，但我返而係想溝一溝佢，打算係將平均價拉低到＄１００樓下，咁返而仲容易翻身，因為就算個市返彈，要９４１彈翻到＄１００樓上，你話要彈幾多點先較？

而且我一路都認為，要溝貨，平均價唔好同厡價拉得太近，咁即係冇溝到，唔係好明智，而我亦只會容許自己只限溝一次，

唔單止９４１，我仲有８５７＄１８．８，咪仲蟹，但我打算繼續等，再低ｄｄ溝，有計過，平均價可拉低到＄１３左近，我覺得返ｅ個位容易過等＄１８．８，但ｅ隻就唔會咁進取，想到回＄１１樓上，就全數走人，蝕小小就算，無論去留，都係過到自己嗰關最緊要，我地唔係你，賺蝕都唔係自己錢，冇針到肉的感覺，緊係容易比意見啦！

放咗佢啦,依家唔好買住.

你冇睇股爺個Blog嗎?
股爺話:繼續探底的機會是很高的。

之前我響3毫2入咗隻689,死衰格一買到就係咁跌,唔夠一個月就比佢跌到2毫半都冇.個Friend比咗個網址我,叫我問下股爺.股爺話要放咗佢.跌咗咁多我又唔係咁捨得,諗住睇多幾天先.點知隻衰嘢一路跌唔停,卒之響2毫鬆D賣咗,隻衰嘢認真衰格,好似同你玩針對咁,我啱賣完,第日佢就連升兩天(不過都係升得雞碎),我以為賣錯咗.不過之後就繼續跌,仲跌得好金,得番毫兩子.好彩聽股爺講放咗,如果唔係依家真係連亞媽都唔認得囉.

我相信好多人都係100蚊以上入貨. 入貨原因:
1/ 大家都認為2008奧運...隻941會升.
2/ 941重組.
3/ 941業績好似好好, 有600蚊派息.
但今日941不但無升而且只值78蚊...請問點算好?

而家個價已經過晒止蝕位, 若而家沽咗, 佢先嚟過反彈, 咁就喊都無為

如果唔等呢筆錢用, 即管放埋一邊, 等三五年之後, 跟隨大陸經濟增長, 必定有所穫, 就算無所穫, 都一定無而家蝕咁多

當迫自己儲蓄, 做定期囉

日後可以試吓嚴守止蝕, 都與買入價下跌5%, 就即沽, 可控制風險, 長玩長有, 遲d再賺返 ^^

好多分析員都話個價抵買，但係基金洗倉係唔會同你講P.E.，資產值，最重要都係個句：你等唔等錢使？
僅供參考，希望幫到你！