我借了MP3機火牛, 原裝的, 早前去他們借住的屋整電腦... 己提佢還火牛, 佢話無問題. 去到間屋整完機問火牛.. 佢找了幾找話無呀, 咁我話不如我自搵啦, 佢話無呀係舊屋未搬過來.
咁過幾個星期有個家庭晚飯, 我打去問哥, 叫佢帶埋火牛還, 跟住佢話舊屋要還比房署, 家姐清場時掉晒O的雜物喇..掉左架喇! (我當時火氣, 阿哥都照罵) (重要傾電話途中比小朋友搶左電話cut線...cut人線唔打返比人, 要我打返比佢..我罵佢咁大個人拿電話都可以比小朋友搶...無力無食飯丫...!!!)佢話... 咁要唔要配返比你丫~! ( 唔係錢既問題, 根本係他們兩次那種不在乎的態度. 連半點歉意都無!!佢地唔在意態度, 重好似我求佢還野咁!! )
剛巧過幾日後有老家晚飯聚會, 阿嫂會整野食..(佢淨係識整野食買野食送禮, 其它處事馬虎混亂!) 我擺明以後唔想見到阿嫂, 更加唔想食佢整的野.. 我打比阿媽話一定唔會去.!!!
阿媽心情靚! 話執屋掉左好平常者... 最多我賠返錢比你丫.. 來一齊食飯啦!!! 我話唔去.. .. 之後阿媽只叫我一齊食野(我開始黑面), 重話我咁大個人唔好咁小氣....阿哥都...(我cut埋線唔聽! 佢淨係掛住食食食團聚.. 唔通借人野當垃圾掉是正常的, 嬲人的就是小氣, 呢個世界無天理!!! 阿媽重話幫佢賠錢!!! 重話要尊重阿嫂......(嫂同我年紀差不多) )
本來已經同阿嫂無需要傾偈, 現在連佢個樣都唔想見.. 諗起都唔開心. 電腦識叫人整, 人地借野當垃圾!!
我比人咁對待已經好唔開心, 阿媽重要幫住佢地, 無人認同我我自己一個人喊死都無人會知, 最後當然自己配返個火牛啦, 唔通無左火牛掉左部千幾蚊既MP3機咩...
我究竟要顧自己先定顧阿媽, 我係唔係好小氣???? 點解問題會出於我度而佢地正常!
我以後點樣(對待)佢地好, 不過整電腦都無咩機會有下次架喇. (其實我一向都鐘意整電腦, 係興趣來)
其實嫂咁醒我鬥唔過佢地的, 佢地要激人好容易, 一個適當時候擺款冷待.. 我唯一就是無聲抗議不見他們..
－－－－以下是不喜歡阿嫂的原因, 原本同阿哥不錯的,
現在連哥都開始有點不喜歡－－－－－－－－－
阿嫂係內地人, 初時對我地好好(識擦鞋), 後來就知道佢對自己屋企人好, 當我地屋企一般..
佢的不良印象/ 無禮貌:
- 問過有無興趣假結婚, (話既然你都無男友, 有咩所謂<- 我單身關你屁事)重叫我有朋友介紹比佢假結婚.. 正白痴.!!
- 我係公屋戶主, 佢地無隱定樓住, 又問買架屋, 態度輕挑話我比架房你住. 我轉彎話同人住唔好唔就, 佢話「乜你夾唔到人架！」(講到問題出於我度咁. 痴線~! 雖然幾十萬的公屋/居屋個種, 講到自己好似比間屋人地住咁, 人地唔鐘意佢都唔知, 仲問人買屋, 貼錢送屋都唔同佢住啦! 雖然我唔係有錢都唔闗佢事, 佢地都唔係有錢!)
- 個人處事馬夫混亂, 成日接埋O的介紹兼職, 介紹中港婚姻, 做埋O的講大話吹水既野...
- 又問我感情婚姻, 話乜你唔係拍過X次拖架咩( 我拍拖的關你屁事, 洗唔洗點分手要同你報到. 我親友都無咁八卦!! )
- 重有好多不禮貌, 說三道四閒語閒語...冷落我們等等.. 我哥說她可能只是關心( 咁關心不如先講下佢自己野丫, 佢又唔會講自己感情, 收入.精到死.. 阿哥都有少少無腦!)
((感覺上見到佢地都無好野, 無責任, 佢地淨係識請食飯回報..自此後這種人越少碰面越好!!, 見到都無傾偈需要!! 女的都唔方有愛心!)
更新1:
佢地攪埋O的中港婚姻野, 介紹同鄉家務打工.. 阿媽唔知.
更新2:
我沒有嬲我媽, 平時一向都常回家見佢地, 而某兩位就只是大時節才回家. 只不過個排太激氣, 真係唔想見到佢個樣先唔去食飯. 我媽就想大家團聚開心食飯. 無吃飯第二日都有照回家同父母傾偈. 其實佢早已經唔係我字典入面, 如果佢的事唔野到我, 我跟本唔想理佢.. 現在擺明係佢欺乎我, 又同我絡聯又不在乎我. . 自從多左佢我唔開心左已經半年喇, 成日都諗起佢就唔開心, 我知咁係唔值得, 但係我無辨法控制, 見親面都睇住做戲又識講野..
更新3:
好無奈阿哥呢係中間人乜都唔理唔知(阿哥都少少無腦), 兩個女人有心病佢feel唔到囉, 所以都係好無奈. 而父母唔理佢地幾混亂, 只要合符到新抱基本原則, 佢地都覺得OK幾好, 係我呢個妹身份無得益又比人激死, (或者佢地都唔知我嬲佢又唔在乎我).. 如果日後佢地搵我整電腦或幫忙, 我應唔應該幫? 我預左唔幫佢又話我無良心, 識整都唔幫手, 因為我幫佢地整開既... 佢地既閒言閒語真係不知所謂架, 唔了解既人聽左都比佢誤導.
