✔ 最佳答案
想玩塔羅牌,最好自己去上一個課程,鐘意學才繼續,唔鐘意就走頭。工聯會今個月底報名,Tarot Card 塔羅牌入門在課程158頁,四堂每堂三粒鐘,盛惠430大元,唔貴,會員重有九折。我以前上過有一個工聯會姓胡的導師的初階課,完左之後佢叫同學仔上佢中心學進階,而且佢個中心每星期都有塔羅牌聚會,唔識玩或者玩得唔好都可以叫D師兄師姐幫手。但我覺得自己冇乜塔羅牌慧根,所以轉去學搖龜殼。但有D師姐跟佢繼續學,依家玩得幾好野。
至於塔羅牌準唔準,除了牌師的功力外,牌師的狀態和運氣,有決定的因素。
唔讚成你上網學,因為網上神棍特多,好多唔識塔羅牌既人都係網上認屎認屁。最近玩占星同埋八字,見到網上很多連占星都唔知係乜既人,猛咁同人講「星座」,抄來抄去都係同一出處既錯野。而一D唔識八字既既人又在網上大講生肖流年,荼毒眾生。
要跟書學亦要帶眼識書,睇D舢板充炮艇既書,好易學壞手勢。而很多有料既書都係寫俾識既人去睇,每每收埋最重要個幾句,睇到你氹氹轉。最好學一些基本概念,先至叫師父介紹D書俾你睇。