✔ 最佳答案
通常大部份人頭果一兩個月都冇咩特別
因為果一兩個月都係可能以為自己經期遲左
但係好多人都會覺得/以為自己有左,就成日好似想嘔咁
其實呢d都係心理作用
到第三個月開始會有作嘔作悶既感覺
而腹部有微微大左,胸部有漲大
可能會有頭暈或者唔舒服
另外,呢段時間亦有小產既機會,所以要特別小心
胃口方面可能會比平時食多小小
第四個月之後大部份人都會小左作嘔作悶既感覺
胸腹都明顯大左,胃口亦開始大增
亦因為個肚越黎越大,背脊骨既負擔亦大左
所以好多人亦開始有腰骨痛,同埋成日都好攰,好想訓
跟住既五至八個月,都會係個肚越黎越大
成日都好想訓覺,而肚臍多數都會係呢後時間開始凸出黎
有d人乳線比較發達既話仲會有奶水流出黎
隨著個胎越黎越大,就會壓住膀胱,開始會有尿頻
九個月既時候,手腳部會有水腫,尤其腳部較明顯
個肚大到要用手撐住腰黎行,通常會比未有之前重30磅到