倉鼠輕輕咬人手指是什麼意思?

唔知你養左幾耐?同一籠有冇第隻鼠?
A.鼠鼠既反應似係驚,鼠鼠係夜行動物,日頭係用唻訓覺既,所以日頭既精神會比較差,咁就會更加怕人,雖然你話鼠鼠咬唔痛你,就算拉住你手都唔痛,但咁都有可能係鼠鼠怕所以唔敢大力咬,又或鼠鼠仲年幼,未必會有好大力氣去咬人
欣賞你每天都會睇下鼠鼠,但最好將時間改成夜晚

B.雖然唔係大力咬好似冇咩所謂咁,但唔建議任由鼠鼠咁去咬,原因如下:
1)鼠鼠好易受驚,咬咬下可能忽然用力咬
2)鼠鼠慣左咬你你都由得佢,怕鼠鼠慣左去咬人,到鼠鼠因第D原因(例如唔舒服,受驚等),咁就冇咁易發現呢D問題
3)細力咬忽然大力咬落去,本能反應就會縮手,我細個試過鼠鼠忽然咬我,我一縮,鼠鼠唔放口,點知就俾我拖趺佢落地,咁就好易整親鼠鼠

C.了解一下鼠鼠點解咬人,就可以避免俾鼠鼠咬了
成日咬人既原因多數有以下幾個可能:
1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧

初養鼠頭兩日時應該唔好掂鼠鼠,之後再用以下方法同鼠鼠熟,如果已養一段時間,亦可搵兩日唔好打擾鼠鼠再慢慢培養感情:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.抱之前記得先輕聲叫下鼠鼠先

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

7.懷孕既鼠都會特別精神緊張,從而成日咬人

最後一提,被鼠鼠咬到,雖然冇咩危險,但傷口一定要處理既,所以記得消毒同貼膠布

如果她咬你有很多意思 有些是嚇到了
我的她是因為跟我熟才咬我
跟她不熟她懶得裡

隻倉鼠係唔想你成日整佢-.-隻倉鼠是BB女嗎?"她又會跟著我的手走"是看看你在她的地盤做甚麼,"她只會在早上這樣做, 其他時間不會有這「激動」舉止"是因為你在整佢,"她又會極速逃走到她的小屋"因為有隻不怕痛巨手在整佢-.-

可能佢同你講早晨=3=

又可能成晚無見你,掛住你,所以一早就同你玩,叫你唔好唔理佢同唔要佢!

^3^ =3= @.@