邊到買行山杖好?

$200以下，買唔到有質素既行山杖。

但係你仲係想買，http://www.alink.com.hk/ 有你要既價錢要既野。
旺角有好多地鋪或樓上既體育用品店，我個人會去開「世界」，「攀山訓練中心」度參考，但係唔去華輝，個老闆唔願做生意，臭串。
油麻地永星里既英昌皮具都係轉左賣行山野，十分值得一去參考。

我用開一支韓國貨，當年買入價係$150，K字頭既。

由於一直都係備用，所以無換貨，但係再換就會買十水無避震既。

對於買扙，留意幾點，本身物料唔好咁易爛，但係呢點都只係聽店員講，無實查證。
支扙唔好有彈性或者唔好咁彈，好多人試杖時起勢咁督落個地方，跟住覺得彈手就覺得好，可以慳力，呢點係好有問題。
行山扙落山時，係雙腳加扙落斜既第一個支點，如果呢點唔食力或者有迴震，你響山度衝落樓梯時，向前仆既機會將大增。上斜時又係同樣原理，迴震令手腕加力先可以用到支扙，根本唔係慳力係用多左力。

你想最平平平既價錢既話，咁就真係去老鴨買一支Nikko既就得了。

直柄係設計於上山路，曲柄係設計於落斜，至於用邊種係睇你習慣，各位各好。杖有分高度，90(cm), 110, 130三種，我5尺7吋高，用110已經夠，你自己可以就返個高度唻買。

一支見得人既山杖，都只係3百幾就已經買到了。

2008-09-17 17:45:18 補充：
我忘記左建議你，買支唔好太彈手，或者買支無避震既。

貴棍未必貴得有道理，又或者佢附加左你行山時未必要用既功能，例如冰斧，或者本身之野係貴但係唔抵用。

我選掍既原則係易收藏，例如可收縮(坊間梗係有無得收縮既棍賣)以及輕身，至於硬度真係無得估，我親眼見過有人拎住技扭爛左既棍就無得唔信邪。

或者你可以配合返你常用既程度，如果只係響條石屎路上督督下，其實即係唔駛點用，咁平平平既無乜所謂。反之即使你係初學者，但係剷林開山劈石爛泥路咁行，就要搵支無避震既會較適合，沙地，爛泥路，切記要加個配件，即係個腳位既傘。買支掍無包既，都唔好考慮。

先說明一件事, 第一, 行山杖不是用來比人看的! 第二, 貴的行山杖並不一定是[有用]的行山杖! 第三, 好多人以為行山杖只須要用一枝, 在觀念上也是錯的!

正如owlsun 所說, 要識先可以成為您的[第二對腳], 否則只是一個負累

貴的行山杖多數因為物料輕or功能好(如:避震)! 但真當面對一些特別的環境, 如行雪山, 超輕和避震只是多餘! 貴的真的有用嗎? 另外, 您會看到香港人用一枝行山杖行山, 但其實這是會加重了別一邊腳的負擔 !(不過大多數人都唔適行山杖, 所以是加重了二邊腳的負擔 ^.^)

您用初學者來稱呼, 所以我假設您想去學行山, 所以我會建議您去, 鴨記買兩枝行山杖! 老實, 如果你去買一條leki百多元的山杖, 不如去鴨記買兩枝好過！

貴的行山杖當然用料會好好多，當有特發事情，如作急救用的臨時抬床，貴的行山杖就會發揮其價值，但一般行山，鴨記的［鋁合金］杖以足夠有餘。

之後問題是如何善用行山杖，其實上好難三言兩語話到比你知，基本原則是：
一）手握杖時，手肘約９０度（直立時）
二）手杖高度約到腰間。（落山時山杖要放長一點）
三）山杖落點比身體前為減速（落山用）落點在身體後為加速（上山用）

大致如此！初期要有意識地叫自己用多點手力！多練習啦！

好多大型運動舖頭都有得賣,視乎質料,價值都唔同!
你可以向店員查詢,他們都樂意解答.其實初學者更加
要買好一點,比較適合.

兩百?
我用緊鴨寮街廿蚊貨仔, 已經好滿足了.