幫幫手~我隻狗唔知會唔會有野 20fun

如果你隻狗狗食得行得走得同玩得，佢都應該無事既，我隻狗狗間唔鐘都嘔架，有時我放工返到屋企見倒佢嘔個地一達達，但係見佢無乜嘢，仲可以食同玩。我諗隻狗狗應該無乜事既。我隻狗狗試過將成包紙巾食咗都無事。所以你唔洗咁擔心。

食少少電線應唔會嘔，嘔乜你要睇清楚，狗狗都會嘔毛，唔太密勉強可接受，否則食吐毛膏好Ｄ，始終胃液經食道排出，胃酸會傷害食道，食吐毛膏係經大腸排出，無問題！
佢走嚟走去好不安咁就要留意，佢嘔亦可能食咗其他嘢中毒，引致癲癇，癲癇會四圍走，流口水、失禁等！check清楚佢有無食過Ｄ乜，真係中毒都可話比医生知食咗乜去解毒！
當然我只係推測，唔希望狗狗會咁，但只係提醒有咁嘅可能，要立即睇医生。

好多時狗狗吃到唔乾淨既食物都會嘔,如果只係嘔一兩次你都唔使擔心....因為好多時佢地吃到自己既毛髮都會有咁既情況,你而加應該細心觀察住佢...睇下有無嘔到特別既野,如果係泡或黃色既水都係正常既嘔吐物...如果有血絲或其他物質,咁你就要快d帶佢睇醫生...仲要留意佢既大便是否正常....如果只係嘔左一兩次,無咩特別野,咁佢大多數都係唔小心吃左唔乾淨既野或毛髮,唔使擔心.

如果係嘔白色可能食左d膠落肚,個胃頂住左,你有得佢嘔,再嘔唔出試下食吐毛膏!
如果係嘔黃色,就好可能係佢肚餓!