我第一次換con，唔知用咩藥水同鹽水，仲有要做咩．．請大定幫下我

戴con除左要買con之外仲要買藥水啦(如果你唔係用one-day的話)
如果你用one-day都幾方便架,唔駛買藥水,又唔駛用擺con個個鏡盒,去旅行又唔駛拎埋支藥水去~~~
仲要買支鉗啦,用鉗,鉗con就好d啦,因為我個人d手指甲好長架,又怕我粗手粗腳會整爛隻con,所以我一直都有用鉗ga,但係有d專業人士就唔建議我地用鉗ga,不過我都好少理~~支鉗係萬寧或者眼鏡鋪都有得買架啦~~

用咩浸呢~~我就用開OPTI-FREE既,因為好耐之前話好多隻con藥水都唔合格,但係我睇到報道話呢隻牌子係最好架啦~~不過正常一支浸con水開左之後只可以用三個月,你可以開左之後寫個日期係度,過左三個月就要掉架啦,唔用得架啦!!不過我都係個句,我好少理,照用到佢無囉~~哈!!!!!至於Con盒呢,專業人士就話要一個月換一次ga,因為你每日都帶會有好多菌積聚住係度,不過我通常都係開一盒新ga浸con水先換ga~~因為每一支浸con藥水裏面都會有一個新con盒ga!!唔駛用滾水淥架,用清水洗下就可以架啦~~如果用滾水可能太熱d膠會溶呀,帶係眼度就唔好啦~~~

因為你每一帶完con之後都有洗con,所以你帶con之前係唔需要再洗con架啦~~~~洗con呢~我自己就無咁複雜囉,用浸con個d藥水,滴幾滴係隻con度,順住同個方向咁粹(即係唔好上下咁勁粹)向下粹就向下咁粹到佢起泡,兩面都同樣咁做,然後用藥水沖乾淨就可以放入鏡盒囉,聽人講話要用鹽呀,又要點點點,好煩架,我無咁做囉,同埋我都只係帶兩個星期就換新ga,眼鏡鋪d人都話用呢個方法己經好足夠啦!!
你除左隻con之後洗完啦,你要浸佢最少四個鐘頭你先可以再帶架(吊頸都要抖下氣啦,隻con都要抖氣架嘛)!!

唔知我講咁多野你明唔明呢??不過唔明你都可以去眼鏡鋪或者問下d專業人士架,佢地都可以答到你架~~

鹽水用途:
- 戴上眼前沖洗一下對con, 戴上眼時會舒適些
- 戴完後洗con前後都用來沖一沖, 將部份污糟野沖走
宜家市面上大部份的藥水亦可當鹽水用, 你可試下, 但好多牌子的藥水都"lah"澀眼的, 你可試下邊隻你啱用, 要慢慢搵, 但若用鹽水沖一沖, 咁就無咁煩, 因為沖完才戴通常唔會遇到呢個問題. 鹽水的價格每支只是藥水的1/2或以下, 亦慳好多

2008-09-09 16:37:56 補充：
我都系系人地d知識複製過黎
希望幫到你LA^^

1. 其實con根本係一d大規模生產既嘢, 唔係真係佢地講到咁貼身幫你訂造, 因為con既度數只係+/-25度咁上, 例 200, 225, 250等等! 所以你帶開之後隨便搵一間買都得
除非你既眼球型狀特別怪, 先有機會要另配, 基本上你試過一隻唔係太過唔舒服已經ok!, 至於散光就真係你要留意, 輕微散光基本上可以戴普通con, 但如果散光深就真係要配d貴既con, 呢d要訂...你知唔知散光有幾深?
2. 藥水主要洗con, ALCON最好, 唔好買博士倫, 出晒名唔乾淨
鹽水主要令隻眼唔好咁乾, 初期帶係要用. 但唔好太倚賴, 後期除非你係好乾先用, 正常用耐咗會慣, 有時戴得太長時間就滴啦
3. 你真係要洗con, alcon果d幾好, 雖然每隻都標榜"no rub"唔洗捽, 但其實隻隻都要捽, 因為隻con會有好多蛋白質同汅糟嘢, 要用洗con 水, 放係掌心底面都捽10次!!另外都有一種專用洗con水, 係放入一個小器皿入面, 佢有兩隻carbon rod產生小小化學用, 洗乾淨隻con, 但呢種唔係日日用, 加上唔可以俾眼接觸呢d藥水, 所以用完要再用一般藥水去沖乾淨先放入眼, 唔係痛死你
至於鹽水真係冇乜所謂, 只係令你冇咁乾, 隻隻差唔多
4. 其實戴一年都幾辛苦, 可能你散光太深, 否則帶一個月即棄舒服d