宏利保險受騙

本人係8月14日同broker 簽約，但我係9月4日先拎到本保險正本合約，但發現有幾樣問題:
(1) 無將份建議書 (Proposal) 全部完完整整咁夾好落本正本合約
(2) 只有英文版本 (講危疾定義)，並無中文版本
(3) 退保價值不是每年列出

我買呢份危疾保險時已經同agent 講得好清楚，佢話佢問過宏利，宏利話可以將呢d 特別的要求 (Special Request) 寫係申請表，我收到合約後也翻查申請表，確實見到 broker 將(1)至(3)點寫晒落去份申請表上，但宏利一樣都做唔到，亦無通知本人做唔到就過左我的信用卡錢(一年保費)，我打去客戶服務部問，佢仲大大聲講話佢地寄左封歡迎信俾我，話係8月21日，所以我份正本合約無理由會係9月4日咁遲先收到，但係o個封信我都係9月頭先收到，係宏利自己專登延遲寄俾我，封信上亦無郵戳(封信好似其他代付郵費上咁無郵戳)，我想問下宜家宏利話我過晒冷靜期唔肯退保，但係我明明9月4號先收到份保險正本合約(且貨不對辦)，若宏利死都唔肯退保，我可以點做呢？謝謝。