居屋業主是否比較不希望賣給綠表買家?

綠表買家同補地價買家, 對賣家而言無分別, 無錯補咗地價層樓係賣貴咗, 但係要先比錢補地價, 多出來的錢不是賣家袋, 是房署袋, 正所謂打劫法蘭西, 進貢紅毛鬼

2008-09-09 16:09:56 補充：
樓下講述的情況已成過去, 以前公屋住戶想改善環境, 可以買新的綠表居屋, 但居屋就快絶種, 以後公屋住戶想買居屋, 只能買二手, 客路會漸多

2008-09-10 17:32:34 補充：
樓下的nancy姐, 小弟是公屋戶主, 單人匹馬, 現住獨居老人單位, 由於入息超標, 現時交倍半租, 今年人工加了, 下次入息申報後要交兩倍租, 所以我決定買樓, 我可以用綠表買居屋, 亦可以買私人樓, budget150-200萬, 我心儀的居屋單位是2000年落成, 三房實用面積有650尺, 綠表價錢大約180萬上下, 以這個價買私人樓, 咪講笑啦, 同區大約可以買實用面積400尺左右的樓, 而且不是一手樓, 當然, 我層居屋將來要賣出不會有好多水位, 但我是自住, 除非我將來花得起買500萬以上的大型單位, 否則我絶對不會賣, 居屋自住絶對有著數

2008-09-10 17:36:50 補充：
我以前有請鐘點清潔, 個清潔工人本來住隔離邨, 去年我見佢同我搭同一部電梯, 詢問下得知佢為了省數百元的租金, 由中房搬細房, 佢話省下的租金夠交水電費啦, 我跟他都住公屋, 但消費力不同, 自會有不同選擇

2008-09-11 00:49:28 補充：
樓下nancy姐, 我唔係想晒命, 而係因為我同樓主情況相似, 基於實際需要, 我觀察了目標地區樓巿年幾, 次次經過地產舖都看樓價, 所以有點心得, 我唔係齋講, 我打算明年初買樓, 女朋友無催我結婚, 不過催我買樓者, 仲話先註冊可以早d揀樓(因為單身人士揀樓排隊尾), 層樓又要落埋佢個名羅=.=

2008-09-18 23:00:50 補充：
1. 你的問題問得好, 我很樂意回答
2. 我原本打算去地產代理買二手居屋, 不過未夠錢, 所以先觀察一輪, 後來得知原來我想買的屋苑, 明年房署有回購單位發售, 時間上正好配合我的需要, 因此我考慮買房署回購單位好, 還是自己去地產代理買好

2008-09-18 23:04:08 補充：
3. 最後我決定買房署回購單位, 基於下列原因
3.1 免地產代理的佣金, 我心目中的樓價是180萬, 佣金要HK$18,000
3.2 律師費會平些, 私人買賣的風險高些, 律師費不可省, 一定要請信得過的律師, 房署賣給我的樓, 律師只是指定手續, 不會有問題, 律師求其得啦
3.3 聽說(我不敢肯定)房署賣樓的按揭利率低些
3.4 所以我決定買回購單位
3.5 壞處是我不能事先去單位實地看樓, 同時要同其他人爭

2008-09-18 23:13:47 補充：
4. 先結婚後買樓, 是因為家庭的揀樓次序優於單身人士, 單身排隊尾, 揀到好單位的機會不高, 同時綠表居屋不能隨便加業主名, 如果我買樓時是單身, 層樓只能有我的名, 之後結婚要加老婆個名, 要再請律師再做契
5. 我曾有幾年住過500呎的唐樓, 初時搬來這間公屋非常不慣, 所以有得選擇當然要大屋啦, 而且我供得起, 優惠一次過, 當然要多D優惠啦, 間屋夠大, 將來結婚生子都不用再細屋搬大屋

2008-09-18 23:26:48 補充：
6. 我住開的公屋重建, 但我不願入住房署安排的新樓, 經過兩次揀樓, 選了現時的單位, 當時是5年樓齡, 16平方米, 有獨立廁所廚房, 不過間房太細, 16平方米是包括廁所廚房

joechanyk我八卦想問一下, 如果不願意可不全部回答.

你想買二手居屋還是申請政府居屋呢? 為什麼註冊了買居屋會較好呢?
為什麼獨居單位一下子要住那麼大呢?
還有想問獨居單位好不好住?? 有沒有私人厠所的?? 是否鄰居都是老人呢?
因為我以前想申請公屋時, 看到有獨居單位, 有厠所合伙的會比較快. 有些朋友想單人申請公屋又常問.

其實係有Ｄ分別，唔係人人都有綠表資格，你要等有綠表資格人士對你層樓有意思，會比自由市場的機會少。如果有錢的話，就先補地價；咁就不用被綠表資格人士「壓價」。
至少自由市場都人多勢眾啦！
（十年前我媽都用綠表買二手居屋，當年壓價壓得勁！個業主急賣囉！）

2008-09-10 00:55:45 補充：
現時的公屋居住環境很不錯，衛生大大改善了，而且租金便宜。如果真的想買樓的，有錢的人會考慮私人樓，只有不太多錢的公屋戶，才會考慮居屋（不過當年我們買居屋時，左鄰右里十幾家人都說我們很笨和愚蠢，有公屋唔住去買樓。）。

錢不夠，自然會壓價。而未補地價的居屋，在出售給綠表資格人士前，必須向房署申請「准賣證」，而買家又要向房署申請「綠表資格證書」，而證書只有數個月內有限。

不過說真的，有錢我寧願買私樓算了吧！

2008-09-10 23:41:02 補充：
ＴＯ：樓上

原來你是佔整體公屋少於５％的公屋富戶之一。高收入是一件好事，不是人人都可以有。（有些感觸.......）

2008-09-10 23:41:51 補充：
如果發問者唔急賣的話，可以慢慢等綠表資格人士。