有關美國升學問題

其實你係Citizen 無論 Public or Private High School都可以選擇
如果你好 insist 要去 high school 你可以做一年交流生, 佢地會安排你到 public high school , 0個到無乜中國人, 同埋一定要住 host family 咁會迫到你講英文

我表妹就係咁~讀中文中學之後做左一年交流生英文好左好多, 之後讀兩年 Community College 再入 U

我自己就讀完中六直接去美國讀大學

其實你可以有好多野選擇
你去留學中心問下先啦 如果你一心去美國可以而家問定, 交流生同好多好學校都好早 deadline報名
你可以今年年尾問定下年9月架啦
可以去麗斯問下, 我同表妹都係佢地搞過去既, 佢地比較貴,不過比較expert in US Study

中五畢業都幾乎可以直上大學啦﹐你仲番 High School ? 搏去 Prom ? 你係咪 American Pie 既 Fan 屎呢 ?
公立學校一定要有居民身份﹐除非你係公民身份﹐否則要入私校。讀一年又要轉校入大學﹐煩都煩死。
你最好依家去考TOEFL 同 SAT ﹐成績好可以直入大學。成績唔好可以申請入 Community College (即係 d 副學士學位) 兩年後再轉入正式大學。成績勁差可以申請語言學校 (ESL 班)﹐淨學英文。
過程係 :

搵倒心儀學校﹐寄申請表。
錄取的話學校會寄張叫 I-20 既表比你﹐憑此表去領事館申請學生簽証。

去邊度讀書會映響成世人既命運﹐網上大把資料﹐我真係唔敢在此多口介紹任何一間比你。