✔ 最佳答案
折現比錢好似好鬼現實,唔知佢媽咪會唔會以為你覺得佢好市儈。月餅,海味,生果,佢唔岩,可能系怕太多人送,佢驚食唔到咁多又浪費左 (月餅同生果都系有限期,放唔得耐),而酒,雞精,燕窩唔系個個人都一定鐘意食。
我建議你不如去百貨公司或者超級市場買D購物禮券送佢,几百元至几千元既禮券都有,好似崇光,永安百貨,吉之島,百佳,惠康等等...都有購物禮券賣。果D禮券使用期仲可以長達至一,兩年,咁佢老人家攞住D購物禮券,鐘意几時有需要買自己想要既野都得...,而且仲幫佢慳唔少日常家用同消費錢,我諗几岩D家庭主婦同老人家,佢應該都會開心。
試過我亞媽生日我就買購物禮券比佢,佢都几開心,仲話夠實用。我就分別買左三百元一張,兩百元一張,咁樣佢可以分開黎用,又可以一次過夾埋黎用。