讀書定出來工作辛不辛苦?我想知...我同埋不知去不去會考?投降係不係輸1半?(會考)

出來工作辛不辛苦....就要睇你做嘢嘅態度.

你喜歡嘅工作, 愈做愈開心.

又好似愛迪生......嘩! 好勤力呀! 日夜不停的研究....發明好多嘢呀!...其實, 依我看, 係佢好彩, 以發明成為佢嘅樂趣, 你叫佢當時學普通話, 你睇佢點, 又咪死狗一樣...!

讀書呢味嘢, 又真唔係個個都鍾意嘅., 勤力固然係有幫助, 但唔係必然會好. 都要講有冇興趣先得, 唔可以太勉強.

响另一個角度睇, 你唔係唔鍾意睇書吖....連環圖, 武俠小說,...冇燈你都睇........哦! 會唔會係課本太死板, 冇D好睇呢!....或者若果教科書能夠用武俠小說嘅手法寫, 而老師又好似講估佬咁風趣.......係咪會唔同呢?

所以, 唔好太怪責自已, 盡咗本份, 心安理得. 就咪鬼理佢合唔合格喇!

我到依家响社會幾十年, 日常加減乘除乜都夠用, 幾時會用到代數?

微積分就更加影都冇.....考咁好數學都唔知為乜!

而且, 讀唔到書嘅將來多D機會做老板, 讀書叻嘅多數打死一世工.

老友.......社會大把幾會等緊你.....衹要你肯行....唔認輸......實掂!

考試辛苦唔通出黎做野就唔辛苦……

你問返工既人
有邊個唔係話讀書舒服過做野
有邊個唔想唔駛做野讀書讀一世
有邊個唔後悔自己讀得書少考試唔考好D

你而定家都中五都唔差左考會考
讀咁多年書都係為左張爛紙啫
試未考就驚定先
咁你第日見工唔通又話驚見工就唔駛做

我諗你連做野都唔知辛唔辛苦
就即係連暑期工同麥當勞都未做過
假設你唔考試冇會考証書又冇工作經驗
邊個會請你

如果你都自認唔係好讀書
咁就拎D時間去打下工做兼職
做麥當勞都要做
唔知做野幾辛苦你根本唔會珍惜讀書既時間

做野係遲早既事
你早D出去見識下第日就唔駛比人炳到變豬頭
真係老闆鬧你咁大個人都唔識做野
你都唔好意思啦係咪

英文oralD人都唔係兇你係想幫你攞分
只要你隨便講到D係英文字既野唔好靜晒
搭到下D內容就OK
冇人話要你要講到好似明珠台新聞報導個D咁勁先比個合格你

會考總有D易總有D難既
你係都要對住D難既問題覺得自己唔得係冇用既
知道自己差就要死死地氣由簡單既做起
做晒簡單既問題啱左先做D深D既
唔係話你要拎個A起碼都有番D合格張紙唔會咁難睇

我唔係好明你點解會問依個問題 !!!?? 我相信人人識答...
世上有邊份工作會唔辛苦 ??? 最嘆既已經係讀書了. 我估你應該有睇過 TVB 既 "尖子計劃", A 神都已經解釋左如果你會考考得唔好, 出路會有幾多選擇了... 什麼行行出狀元根本係廢話. 如果沒有中五學歷, 會考唔會格, 搵份文職都唔易. 咁其他工作大多是體力勞動, 又點會唔辛苦 ???
現在 9 月, 離會考仲有半年你就諗住唔考 ??? 咁讀咁多年做咩 ?? 去考仲有個希望, 唔考就一定死梗.
英文 oral 其實可以準備, 只係大家唔去做. 日日睇 TVB, 聽廣東歌, 講廣東話, 當然唔會有用. 有冇試過睇明珠台, 聽英文歌, 上英文堂留心一點 ?? 再唔係去補習都可以. 事在人為而已
會考投降輸一半 ??? 聽你語氣平時英文已經未必好, 考少一份卷唔係輸一半, 根本係自己打自己靶, 嫌命長而已. 為左自己的將來, 你自己好好考慮清楚吧.

你向來讀書,咁應該沒問題.
至於Oral,有成5份卷,呢份唔合格就算,只要出過force就得.