嫁女, 外婆爺爺輩要不要發帖

首先：你嫁女即係你父母嫁外孫女，你老爺奶奶輩嫁孫女，
在婚宴場合裹他們一定是坐主家席，鋪紅枱布以示自己人。

帖子要發，帖子上寫上長輩的名子及尊稱外公外婆，爺爺嫲嫲
等稱謂語，表示尊重，帖子內附送禮餅卡要雙添另加中式唐餅。

婚宴當日儀式，新娘子要敬茶，敬跪與否就看須要而定，
當然敬跪敬茶是最得體的方式，長輩們心裹會好甜好開心，
長輩亦會在敬茶環節裹送金器手飾及利是給新娘新郎。

按道理如果送禮物給新人，是不用做人情﹝禮金﹞的，但如果
不送禮物的話，就要比利是作為折現。
當然：又做人情，又送禮物都可以。

所以：俗語說請自己人飲，就肯定係蝕。
就是這個道理。

真係各處郷各處例，我阿媽就話要發帖比新娘的外婆，佢的理由係....假設新娘的父親姓陳，新娘的母親姓何，咁依家係陳府(陳先生及陳太)辦喜事嫁女，而唔係何府(雖然陳太本身姓何)辦喜事，所以陳府的主婚人(即係新娘的爸爸)應該發帖比何府(阿媽果邊的親友)的人，即係包括何老夫人(新娘的外婆)。

onuncle 講得一D都無錯﹗
你會唔會俾張帖個老公(婆)叫佢早的到，
正等於你會唔會俾張帖你嘅其他仔女，即你個女的兄弟姊妹﹗

你睇住個月女出嫁，同公公婆婆、爺爺嫲嫲睇住個孫出嫁(輩份、心情) 都係一樣﹗
至於金器、人情等都係心意，同你嘅身份係一樣 (係至親，唔係外人)﹗

多謝你們寶貴的意見和經驗 ! 祝中秋愉快 !

安伯話：千萬不要輕舉妄動。乜都唔使做！老人家發老脾都幾難搞。

首先，直系自親唔使出帖，你會唔會俾張帖個老公(婆)叫佢早的到？

你父母親，你老公的父母親唔使出帖；你倆的親兄弟姐妹(你個女的叔伯、姑媽、亞姨、舅父)就要出帖。

出門個日，一早接哂四個老人家到家裡飲孫新抱茶就成，金器隨意，利是你最好幫佢地包定。

每處家鄉例不同，我的家規就不用發帖給老人家，否則反會被視成生疏表現，但一定要在婚前安排介紹見面，及商討茶禮協定，除親友要送餅外，外公和外婆也要特別加送一些特別禮餅以便老人家送給朋友，這些餅不叫嫁女餅，叫亞婆茶果／大發等，所以最好大家先向自家老人家問清楚才做免失和氣和失禮。