小朋友第一次返學時的狀況

放心啦，佢咁既表情都總好過你去接佢放學時見到佢喊住出黎丫。
我個仔而家都係岩岩番N1，不過因為之前冇人湊，1歲幾已經要番全日喇，頭幾日都會有咁既情況出現。一來佢緊張，係學校個個都唔識，又唔見左媽咪，所以個人就失魂落魄咁姐
我建議你可以下次接佢放學果時問下老師佢係學校既情況，而家D老師都會好樂意答你架。不過可能放學老師唔得閒講到咁多你聽，你可以你佢番學果時打電話去搵老師，老師得閒既話就可以好詳細咁講番你知佢既情況架喇
唔使咁擔心架媽媽，好多小朋友都會有咁既情況出現，你可以番屋企多D同佢傾計，尤其訓覺之前，同佢傾下，問下佢學校今日唱咩歌啦，問佢食咩茶點啦，問佢同邊個小朋友坐啦。當佢答番你既時候你就可以同佢講話番學好開心，當佢唱左幾句歌比你聽既時候(雖然唔知佢唱乜) 你又可以讚佢，比佢覺得佢係學校學到既歌仔，番屋企唱比媽咪聽係一件叻叻事，咁自然佢就會有興趣番學架喇
而家先係開左學咁短時間，佢都應該係未適應到架姐，小朋友既適應能力好強架，當佢知道你係會放學果時接番佢，佢係學校識到新同學仔，係學校有得玩有得食，同小朋友一齊唱歌仔，佢好快就會冇事架喇
你睇多一兩個月啦，應該慢慢會好D，若果過左兩個月佢都仲係咁就一定要問清楚老師喇

你又唔洗甘緊張既，你個小朋友應該係悶到甘樣。
佢認為無野吸引到佢，甘咪發下白日夢甘樣囉。
人有好多時都係甘樣既啦。
慢慢返返下學，識多Ｄ朋友仔，就會好好多既啦。
你得閒就同佢傾下計，睇下佢覺得學校點，會唔會好悶，
教下佢上堂應該做Ｄ咩好，要學Ｄ咩好，
可能佢係對學校既生活有少少迷茫。
放鬆Ｄ，唔洗甘緊張既。
不過要緊記，要多Ｄ同佢傾計。
了解下佢想點喎！！

當年我的女兒讀n班都是這樣,校長說她緊張,沒法子了,你忍痛經歷這日子吧!如他不想返學亦要堅持下去,他和老師及同學建立了信心,這困難就去了,然而老師亦正努力與他建關係,你應與校長及班主任找辦法,當年我的女兒都是這樣,你放鬆一點吧,也許你都好緊張!

可能小朋友對某些事物欠缺興趣, 無咩心機啫.. 唔係時時都有D得意嘢吸引佢, 佢咪會有D悶囉...
唔使咁緊張, 只要佢無話唔肯返學, 夜晚又無咩異樣, 如發惡夢.. 咁就OK... 大人返工都周不時發吽哣啦...
返到屋企, 問吓佢學校的事, 如學過咩, 有無唱歌仔, 老師或同學講過D咩... 讚吓佢返左學叻左..... 引發佢返學的興趣...

好甘傢喇....人人都係甘既....me2