股票627 佑威國際 應該放嗎

呢隻股票有d唔妥,以下是我覺得有問題的地方

1) 07年前有派息,07年之後唔派息仲要供股
2) 股東資金回報率持續下降至單位數
3) 銷售額年年增加,盈利冇大增長,最近業績報告仲要大倒退
4) 近年分店不斷增加,特別是油尖旺區,很難想像在香港可以有足夠營業額支持

根據曹仁超理論,好股永遠唔會係細價股 (現價 $0.024)

放咗佢啦,依家唔好買住.

你冇睇股爺個Blog嗎?
股爺話:繼續探底的機會是很高的。

之前我響3毫2入咗隻689,死衰格一買到就係咁跌,唔夠一個月就比佢跌到2毫半都冇.個Friend比咗個網址我,叫我問下股爺.股爺話要放咗佢.跌咗咁多我又唔係咁捨得,諗住睇多幾天先.點知隻衰嘢一路跌唔停,卒之響2毫鬆D賣咗,隻衰嘢認真衰格,好似同你玩針對咁,我啱賣完,第日佢就連升兩天(不過都係升得雞碎),我以為賣錯咗.不過之後就繼續跌,仲跌得好金,得番毫兩子.好彩聽股爺講放咗,如果唔係依家真係連亞媽都唔認得囉.

放棄供股,賣出手上的627,
再2個月後,買回來,
可以加大投資,
今次主要是大股東收貨,
不要上當,
這是一隻超級炒作股,
現在市值很低,
可大手買入, 是最佳投資工具,
但不要供股,
新股包銷商會低價賣出, 只收手續費,已經很和味,
等新股出街後,
有錢多再買入一些,
高位時,可以賺10-30倍利潤.
投資小回報大. 恭喜恭喜得止良機.

不要供股了. 可否想過大股東為什麼要價殘的時候還要大節讓供股呢?

有不付責任的大股東
公司賺錢不等於小股東可以賺錢.

我真的不知道為何一隻有錢賺的股票會跌到這樣. 市場上有好多蝕錢的股票亦沒有跌到這麼可怕. 我決定等.什至供股.

放咗佢啦! 好過渣都無. 我0.5入了貨, 心淡,0.044放了。如果你改股後不夠一手,會變碎股, 小心為上。

我都買咗呀!不過跌成咁無眼睇, 但會keep住先,希望當投資睇長遠啦啦!反正依家放都蝕到入肉, 唯有博年尾會好返啦!!

請速速放,少少都好過無......記住第一時間放.......

我諗你只有兩條路..放埋一面.如果你唔想渣到冇就放棄吧!!
627這隻股係無底深譚千萬唔好再中計..