幫人幫到咁自身難保,應該點做,20分

長的，請詳睇



我15歲,男仔,我既性格一向膽小怕事同內向,唔識同人溝通









成件事要係兩個月前講起,發生係我住條棟樓,暑假其中一日,我落街買完野番屋企期間見到個阿伯腳震震咁話"唔該幫幫我"咁我以為佢淨係行動不便想人幫佢開度閘,咁我咪開,點知開完佢就話叫我帶佢去街市買生果,佢話自己睇唔到野,咁我唔好意思推佢,路上我問佢點解自己落街買水果,佢話自己住,買水果當飯食,買完我送埋佢上樓,我問佢有冇搵社工,佢話"冇,唔識搵"；第二日，我搵左一個區議員講左阿伯既情況，之後再上去搵個阿伯，話我幫佢搵左人，佢就講到自己好慘咁唔想我走，又話果個區議員佢已經搵過，但係冇用；冇幾耐有人打黎，原來係一個幫緊佢既”社工”，已經有少少傻仔ｆｅｅｌ，但係冇踢爆佢，咁個社工話個阿伯有人跟，叫我放心咁；再第二日，我諗住再問下個社工阿伯因咩事搞到買水果當飯食，同埋冇老人院住啦咁，個社工就話唔關我事，咁我都同意自己理得太多，諗住唔再理個阿伯，但係個阿伯係我同社工講完之後冇幾耐就打俾我，話有人追佢數之類既野．咁我就叫佢自己搵個社工（見到佢個電話冇來電，以為佢出古惑打１３３玩野，加上之前講過大話，已經好火），咁後來我心諗都係直接去搵佢同佢講叫佢搵社工一了百了啦，之後再上去，發現佢個電話真係冇來電之外，個社工係真係唔得，好似好難搵到，同埋阿伯要去睇病，自己去唔到要義工幫，但係個社工就話要一星期前預約，但係就冇任何解決方法，知道左阿伯真係好慘之後我連續幾日都有搵個阿伯，個社工就係我打完電話俾佢之後幾日都冇接觸個阿伯，之後同阿伯講開不如搵某位本區既立法會議員幫手俾佢入老人院，咁我上網搵到該議員既行程之後就出發，仲提早係果個活動之前兩個鐘去到想趁開始前搵佢廢事阻住佢做野，之後我列日當空等左成個鐘，開始動搖，加上我為左幫阿伯諗計，幾晚冇訓，好眼訓好眼訓，之後我亂咁行（完全未去過觀瑭）去到一個公園，一坐低就恰著左，冇幾耐個阿伯又打黎，佢話：喂，你黎一黎我度丫，我話：我係觀瑭幫你搵緊ｘｘ議員，同你講左啦，佢就好理所當然咁話：咁你幾夜都上黎搵我啦（唔該都冇聲）（我去觀瑭之前佢打黎仲同我講佢廣州有個朋友落左黎，仲可以帶佢睇病，但係竟然仲要我搞咁多野），佢講完之後我當堂火都黎，諗起老豆教過我一句”人不為己，天硃地滅”，同佢講，你唔好再搵我，我幫俾完封信ｘｘ之後我唔會再理你，我幫你幫到盡；佢就話：哈，咁姐係冇用；我就更火，我幫你做咁多野，教都唔訓，你仲想我點，我得１５歲咋！（成個公園都聽到），之後佢ｃｕｔ左我線，之後有個女仔走黎，係傳福音的，可能見我咁嘈，以為我係邊緣少年果尐，吸引左佢過黎，於事我講左件事俾佢聽，佢就話，如果你覺得呢封信已經係你最後可以做既事，咁你做完呢件事之後不妨將件事交俾上帝，試下祈禱，之後我就去左俾封信ｘｘ議員，本身封信我係寫晒自己資料仲叫佢搵我，後來為左完全同呢件事一刀兩斷，我塗晒，仲係最尾寫話唔想再理呢件事；




過左幾日，阿伯打黎話冇人搵過佢，點算，我話我唔會再理，佢又ｃｕｔ我線，咁再過幾日，阿伯再打黎，今次我冇聽，佢就連打１１次，我接左一次，同佢講，再打黎我報警，之後佢好嬲，我收左線，仲熄埋電話，之後過左一星期佢打過一次黎，我冇聽，而家已經一個月冇打黎（熄左電話果陣唔知），我成日驚因為我用有心人做署名會令到個議員唔幫佢，連打１１次事件之後我一聽到電話響就形住係佢打黎，佢打黎姐係引證左呢點，而家電話都唔夠膽開鈴聲（有次電話響，我心都離），又成日頭暈，又成日諗會唔會愈幫愈忙，會唔會有人黎找我麻煩，總之我就冇一日可以放心過，見到街邊有個光頭阿伯都諗起佢，成日提心吊膽



請針對我既情況作分析