why lcd電視唔夠舊式電視咁清

顯像管比起LCD的好處有.
1.不需要做像素轉換,顯像管是靠電子窗激發畫面上的螢光體發光,你俾甚麼訊號佢佢就直出,反應十分快.LCD原理唔同,佢係固定像素,輸入跟畫面像素不同的訊號不能直接顯示,要經內部像素轉換線路計翻同畫面相同解像度先可以顯示.對活動畫面做這樣的計算是相當複雜的,會令畫面質素降低,所以為甚麼一啲高清電視成日要強調可以點對點顯示,因為跳過這個步驟畫面質素可以有一定提升.
2.顯像管係電子槍射到的地方才發光,不發光的地方可以全黑,LCD就唔得,要靠背光燈做光源.點都有小小灟光,所以畫面對比度會較低.
3.LCD是有一個反應時間的,你俾訊號佢佢要等一陣先有反應,所以拖尾情況會比顯像管大.
不過LCD都唔係冇好處的,顯像管由於是靠中央一支電子槍發射電子束,角位跟中央的聚焦距離不一樣,會有像差問題,所以顯像管的呎吋都唔足數,因為要遮住四邊小小.其實係睇小咗啲嘢的.LCD因為係像素型,靠數據顯示,冇咗呢個問題,畫面可以出晒.