點先會入勵志更生中心嫁?!

勵志更生中心 點先至會入?

當個官認為佢唔適合受感化 或者入沙咀 罪又不致要入TC(教導所)

就會判入更生中心架啦..

係RC(更生中心)入面呢，係讀書，步操，有木工同電腦學。

(俾阿Sir打都一定會架啦..)

頭髮當然要剪到3mm..同入壁屋個種髮型一樣。

地均你有無寫D同E佢都一樣收到。

因為你有編號同姓名。

你寄幾多封信俾佢，有幾花都好。都無乜所謂

但係緊記唔好問佢有無俾人打，或者俾阿SIR打。

亦都唔好寫得太露骨，因為有d阿Sir會當眾讀俾人聽。

至於信封...最好唔好畫野啦。如果你有寫回郵地址，

佢就會收到信封，如果無，你個信封畫幾多野都無用。

一樣會俾人掉。至於你點解打唔到電話俾佢....(笑..)

佢係法庭，入左去拘留室個時，就己經俾警察收哂皮帶，電話

鎖匙，銀包，總之身上面有既野，除左衫褲。

仲有就係你無辨法探佢，只有佢親屬屋企人先可以探佢。

勵行就一定要去，因為呢個係佢第二階段。

之後出返黎應該都要住豐力樓。到時佢就可以出街。

但係要守時返去，唔好吸毒，個度會驗尿。

如果違左例就會被Recall 再入返去受。

仲有咩問題既可以Email或者MSN問我:

[email protected]

因為佢係壁屋等報告時,可能認為勵志適合佢及又有位,亦可能佢犯ge罪吾係太嚴重,咪安排佢入去,已經比起入沙咀好好多了,因沙咀會辛苦得多。

係勵志最多要五個月(通常四個月)便會轉去豐力樓,豐力最多住四個月(通常2個月)便可以出來。

係勵志無什麼要做,但要上堂及步操,要好有規律,守監管,而頭髮每星期剪一次,差不多你所講咁短。

地址:大嶼山石壁水塘道35號勵志更生中心(編號)(姓名) 應該一定收到,(並沒有分座,不用寫) 但你封信寫d嘢要正面及可以鼓勵到佢,咁呀sir應該會比佢,相反便不會比佢,千萬不要太colour,太花考,簡單白色或單行紙ok。佢根本無電話係身,佢入去前屋企人已攞返,待佢第日轉咗豐力樓就可以打電話 (但有限打ge次數)。

因為只可以屋企人探,你唯有請他的家人代你問佢,又或者隱陣d再寫過。佢收到你d信應該會好開心,因為相信佢係入面都好難過,鼓勵下佢,第日出返黎就要珍惜自由,改過自身,因為吾係次次都會有改過ge機會,希望這幾個月會令佢明白,珍惜未來, 還年輕吧!