養草要用那一種”k”的鹵素燈胆

同樣係白色光，k （色溫）數不同，人睇落都有分別。愈低就會愈偏紅／黃，愈高就愈偏藍。你o既理解冇錯。
一般我地種水草，都係選 6500-8000k，高左會偏藍，怕惹藻，所以唔會用。
你話用鹵素燈，我諗都要循例問一問：做乜要用？如果個缸唔係水深１８寸以上，可以用 T5HO 代替，因為鹵仔效能低，大量電能轉化為熱能，令缸水升溫，可以上到３５－３６度！所以用得鹵仔，都要用埋水冷，電費加倍，真係一闊三大。
如果你要用，鹵仔最好同水面隔遠ｄ，因為鹵仔係一個膽咁出光，缸兩邊o既草會因此向中間靠攏咁生，升高個膽，光線相對較平行，可以減少追光情況。另外距離遠左，熱能直射水體亦少左。
咁要離水面幾高呢？有人會離成尺咁多（要用 wire 吊起）。實際應該點，要你觀察ｄ草會唔會追光，同對水溫有幾大影響，再行調整。
順帶一提，草缸燈火數比例約為１ｗ燈１Ｌ水，唔好買個１５０ｗ膽俾個８０Ｌ缸呀。