✔ 最佳答案
首先,其實你有兩個截然不同的目標:1) 減磅;2) 增肌。
呢兩個係不同的目標,而所需要做的運動亦截然不同的。你想兩邊都一齊做,只會變成兩頭唔到岸。有無聽過<左手畫圓,右手畫方,兩皆不成>?
所以我建議你先集中達成一個目標,然後再朝向第二個目標進發。至於減肥先定增肌先?其實無一定的,呢個只係個人選擇,兩種次序都有人做,而且一樣可以成功的。
要減肥,其實離不開做帶氧運動,例如跑步,向上行樓梯 (行就得了,不用跑) 等等。平均每星期三次,每次 30 分鐘或以上就可以了。當然,如果你體能上承受得都的話,做得密一點,每次做耐一點亦可以,最緊要量力而為。
健康正常的減肥方法,平均每星期唔能夠減超過 2 磅,以你過去一個月減 10 磅,其實係剛剛都位了,相當不錯的成績,況且減磅過急的話會大大影響你的健康的,故不能操之過急。
不過老老實實,你自定的方案好亂來,好多謬誤,我慢慢同你講解下先:
1) 我咁keep落去, 可唔可以加快減肥同時練大隻?
正如上面所講,你一係就先減肥後增肌;一係就先增肌後減肥,唔好貪心一次過要滿足兩個願望!由於你腰圍有成37係好超標,所以我建議你先集中減肥,即係主力做帶氧運動,一星期3-4次,每次30-45分鐘,跑步/游水/踩單車都無所謂,你自己隨便選擇。
到你減都差不多,才集中火力練健身增肌吧!
2) 其實會唔會傷肌肉? 因為我開始覺得d肌肉比之前難發力....(但我得一個月時間去操體能.....)
你之所以覺得難發力,並非因為肌肉受傷(如果係受傷的話,唔會只係難發力,重會好痛),而係因為你營養不足!無論你要減肥或增肌,都一定要攝取碳水化合物給蛋白質,前者提供能量,後者則用來建造肌肉,兩樣都好重要。你為了要加速減磅,竟然唔食澱粉質,簡直係胡來,所以至會無力咋!
所以,你唔需要刻意減少食澱粉或其他碳水化合物,只需要小食油膩(唔係唔食油,只係唔好食得多,因為油脂都係身體必須要的營養)就得啦。
3) 點先可以練引體上昇? 係唔係重點練背肌, 胸肌同二頭肌就OK?
引體上升主要係背肌和二頭肌(即係老鼠仔),同胸肌無太大關係的。
4) set up 係唔係真係可以減肚腩? 一日二十下夠唔夠? 點先可以減快d?....
減肚腩最有效的方法就係做帶氧運動!SIT UP 根本唔係要來減肚腩的,而係當你已經無肚腩時,再進一步連腹肌,個d6舊/8舊腹肌就係用 sit up練的。另外,一日只係20下太少了,根本唔會有效。一般練腹肌的話,最少每一3-4組,每組20-25下。不過都係個句:你家陣根本唔需要練腹肌住,先做帶氧吧。
5) 做運動係唔係一定要keep 住心跳130bpm 先可以減肥? 我成日游到無氣就會o向水中企一陣休息, 心跳keep 唔到長時間加快
理論上,係要維持心跳律達某個程度的,你今年20歲,targeted heart rate 應該為130-135之間。不過實際上只要你做帶氧時覺得夠甘,時間夠長,好少話唔到標的,亦唔需要刻意檢查心跳律。你企響水中短暫休息唔係問題,只要唔好太耐,攤都個人舒服晒都可以。
6) 其實餓自己會唔會減到肥?...
大錯特錯!只係靠節食/餓自己,係無減肥效果的。節食無錯係短暫性有效,但係只係頭1,2個星期會減,之後身體會因為你唔食野,自動將個身陳代謝律減慢,藉以減少身體消耗。於是乎個磅數就唔再減,而且重會令身體乏力,無精神,容易病添!所以,要減肥,離不開做帶氧運動和健康飲食,別無他法!詳細請參考以下政府健康資訊網頁
衛生署的<食物金字塔>:
http://2plus3.cheu.gov.hk/html/b5/index.asp?fname=index.aspx
衛生署的運動介紹:
http://www.cheu.gov.hk/b5/info/exercise_02.htm