我隻鼠鼠生左7隻BB有20日,我又想養曬,但係又唔想有太多籠係屋企,點算????快快!!!又請你教我點分男女BB!!

A.20日大既熊仔鼠B,都未成熟晒,所以應該就未可以睇男鼠既睪丸去分,未咁快會覺眼,就算已經有D見到睪丸,見唔到睪丸既鼠都有機會係未成熟而睇唔到,咁就好易分錯
熊仔鼠細隻個都好易分,主要可以睇佢地底下有冇兩排乳頭,有就係女,我之前有隻鼠B(都係冇鼠爸,買返唻就已懷孕),10日大已經明顯分得出

但要留意返,要等鼠鼠戒奶分籠時先好睇,唔係既話,打擾到鼠媽,鼠B都仲會有危險

B.7隻B加一隻鼠媽,8隻鼠真係好多,但一定要分籠,因為鼠鼠本身係獨居動物,加上熊仔鼠既地盆心態比其他品種更重,好易會打傷打死,唔同性別仲會亂倫

要唔晒可考慮俾朋友,網友or鼠店,非連鎖既鼠店好多都會收鼠B,你可以問左收唔收先,咁就唔洗帶住鼠鼠去試

希望你唔好因為想養而將佢地放埋一齊,鼠鼠最好係一籠一隻,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶


2008-09-14 00:36:29 補充：
唔太同意樓下網友分男女既方法,希望網友唔好介意:
男鼠生殖器下係會有個孔,係肛門唻既,但其實女鼠都一樣會有肛門,只係話睇生殖器下有冇孔,咁分係唔正確既
如果真係話睇唔到生殖器下有孔,我諗應該係養非熊仔鼠既細品種吧?細隻既鼠係唔太覺眼,但都肯定男女都一定有肛門

2008-09-14 00:36:35 補充：
而鼠b放在媽媽身邊唔一定可以安全,3,4個月我都覺得博唔過,記得之前有網友發問知識,講戒奶時冇分籠,以為好地地,忽然在鼠b 25日大既時候,鼠媽就打死鼠b
我自己都試過,但因為仲係細,冇記住係幾大隻時被打死,因為鼠媽到唔俾奶俾鼠b既時候,就唔會當佢地係仔女,所以一大一細既鼠,就好易打交or一齊會感到壓力

可以網友試過ok,但存在既風險希望可以考慮一下,始終鼠鼠打交,唔洗好耐就可以打死打傷對方,到有事時先再分開,就可能太遲了,就算唔打死,只係打傷,又會唔會肯付出時間同金錢同鼠鼠睇醫生?會既話又捨唔捨得鼠鼠受傷呢?

點算?我屋企哥兩隻衰女一齊比公鼠BOO大左個肚,生左4男4女,
但係又唔捨得乖孫仔女淪落至恐怖烏嘈既PET SHOP.

大不了養曬佢LO..."

鼠B 20日唔算大...未生得仔住...比佢到留係媽咪身邊多D啦..
其實鼠B可以同媽咪住耐D...驚既..3-4個月...唔驚既...6-7個月都OK
一定要分男女...如果唔係就好似我個2個女咁整多8件..."
我見過有D籠係3層既...仲有D係兩格既...兩隻都係$150-$200到
不過我suggest至少有3個格..
coz d仔大過仔就會打架...必要時可以有地方住.."
仲有仔唔可以同媽咪住..唔同人..鼠會x佢媽咪..(我見過--)

至於點分男女呀...我唔知網上d方法Work唔work...."
但我就係當我d孫囝女人咁睇..xd
肚仔有8-10個lin頭既係囡囡
啫啫...粗d係囝囝...
仲分唔到...

啫啫下冇開口既係囝囝
有開口既囡囡

希望係可以做一個好好既婆婆/公公..."
照顧好7隻乖孫+個女

如果有咩唔明...可以問我既--

如果你見到佢個pet pet好似人類咁有兩邊,中間分開"突"出黎既,果隻就係男仔,相反,如果佢pet pet扁平,沒有分開兩邊,就係女仔啦,20日應該都好大啦,都分得到.如果你唔想佢地再生,就要快d分開佢地啦,唔係好快又有架啦.