我和我的男朋友 ... 相處問題 ...

我覺得拍拖 ...
最好就得閒傾下電話 . sms . 行街睇戲食飯咁樣
但係我個男朋友 ... 唔鍾意傾電話 . 唔鍾意 sms . 亦都唔鍾意行街睇戲食飯 ...
每次我地出黎拍拖 . 都只會係 d 公園果度坐下 .
傾下計 . 佢就食下煙咁 ...
佢好冰山 . 我好熱情
雖然大家都係十八歲 . 但係性格就好唔同
佢會講 d 好實際 ge 野 . 我有時都會天馬行空下 . 又會傻下
佢好成熟 . 我好幼稚
我呢 . 一拍拖就會放愛情係第一位
會覺得男朋友好重要
但係佢話情人係佢心目中唔係好重要 ... 十位都唔會入
相比起 . 佢會重視家人 . 朋友 . 學業 . 玩樂 ... 多 d
我地大家都係學生 . 佢十月先開學 . 我過多 2 星期先開學 ... 我地又唔洗返工 . 照計一星期出黎見 1-2 次都唔會係好難 ... 但係我已經有成個星期未見過佢 ... 佢亦都冇打過電話俾我 . 亦都冇 sd sms 俾我 ...
剩係得我每晚 sd sms 話佢知我每日做過 d 咩(依個係佢要求我咁做) ...
我愈黎愈覺得自己同緊一個自己幻想出黎 ge 人拍拖
好唔實在好不安好唔開心
我喊左好多次 ... 當然佢唔知道
我地拍拖唔係好耐 . 不過我已經有分手 ge 念頭
我地大家係相愛的 . 但係相處方式太過唔同 ... 我唔係唔愛佢 . 而我真係好愛佢 ... 但係我真係捱唔到 ...
我真係好鍾意佢 ... 我有諗過將 d 問題擺出黎大家一齊傾
但係 ... 我同佢拍拖之前我係好清楚佢係一個好冰山 ge 人 ... 我以為自己接受到先至同佢係埋一齊 . 如果依家拎出黎傾 . 我豈不是要改變佢 ge 性格 . 要佢黎就我 ... 我好矛盾 . 好難過 . 唔知點做好 . 大家可唔可以幫下我?