✔ 最佳答案
尋日先買籠,仲未習慣係好正常既事,幾個鐘唔食野唔會死既,唔洗擔心,但都要留意,耐左唔食野就好易血糖過低
換新籠有幾點可能留意既:
1)將鼠鼠,食水放在同一層,咁就唔怕鼠鼠去唔到食野飲水,怕鼠鼠未慣而唔食唔飲既話,可以放特定數目既鼠糧,水樽就要入滿水
2)兩層籠最好係先放在地下一層,有籠二樓係得半層,鼠鼠就可能會跳落去,咁就較危險
3)想鼠鼠快D適應新籠,試下唔好理佢太多住,俾佢周圍行下,最初係好易會好不安咁,但習慣係需要時間呢
4)同時加大量食物,多D木糠,咁都可以增加鼠鼠既安全感,盡量令環境安靜D
5)等鼠鼠慣左新籠之後,如果鼠鼠耐左都唔識上二樓,就可以將鼠鼠放在上層,等鼠鼠由上去下,咁會易D,又或伸手入籠,用食物引鼠鼠在地下上去,但記緊要先同鼠鼠熟左先,唔係好易嚇親鼠鼠既
同時要留意新籠係咪安全,唔安全既話,鼠鼠都會呢埋,而且會有危險:
1)唔會有物品整親鼠鼠,例如唔會有野尖左出唻之類
2)唔會有位會卡住鼠鼠
3)轉輪地板唔會有隙,唔係都好易卡住鼠鼠既腳
4)轉輪都唔好係球體咁,球體既玩具同轉輪都係危險玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既
5)唔會俾鼠鼠有逃走既機會