去法國旅行7日

henry兄係巴黎專家，本來樓主剩係信佢就夠，不過正如henry既回應所講，8月去巴黎極貴，如果真係要35,000就真係貴到太唔合理，我今年八月頭去意大利加瑞士，一樣都係自由行都只係用左23,000左右。

樓主點解唔唸下聖誕節期間去巴黎﹖小弟2005年聖誕節去過巴黎旅行幾日，等我來講講自己既經驗。

當年小弟參加康泰既一個半自遊行團。之所以話係“半自由行”係因為佢其實係購物團，一樣有領隊帶團，不過團友可以係完成首日既集體觀光活動後自由活動，只要定時同領隊報到就得。但最緊要既係個團超平，團費五千幾港銀，已經連機票同4日3夜酒店。當然住就唔會太好，但小弟當時都住3星級酒店，而且仲要勁好彩一個人罷足3晚雙人房，只係得冷氣唔夠凍，不過冬天就無所謂，而飛機就係法航香港至巴黎來回直航。小弟係嗰度好慳，所以成個行程用連上面團費用左一萬蚊都唔駛，不過小弟只係食得唔好(餐餐麥當勞)，但大部份重要景點都去晒，包括凡爾賽、羅浮、鐵塔同凱旋門等。如果樓主想食一、兩餐好啲，都只係駛多一千蚊港紙到，已經可以好好。車費唔駛擔心，係巴黎搭地鐵就夠，最多搭多幾程巴士，駛費有限。參觀費一樣唔駛得好多，連車費兩、三千港銀就夠。所以如果樓主同朋友係聖誕假去巴黎，咁一個人最多用萬幾蚊，而且肯定盡興，甚至可以好似小弟咁睇到落雪，都幾浪漫，可以唸唸。

可以按以下價錢預算, 兩人計 (港幣)

機票: 20000 元 (沒辦法, 旺季)
住宿: 1000 元 / 晚 (可以住 ibis 了...)
飲食: 500 - 600 元 / 每日 3 餐 (不用特別節儉, 早午餐可自製三文治, 晚餐卻不要待薄自己)
入場費: 300 元 / 日 (平均計, 其實一定不用這數目的)
市內交通: 100 元 / 日
以上是基本消費, 約需 35000 元, 因為是明年的事情, 建議預算約需多加 10%. 即約 38000 元左右.
但以上費用還沒有計算手信, 購物等豐儉由人的支出