我有左bb10周喇我問問大家一d問題~!!thx!!!

我覺得你第一樣野就係要學習放鬆，係實在太緊張喇~ 大部份既老公都係唔識得點樣關心老婆架，雖然佢地個心係關心緊張，但係佢地未試過個肚多左d野，亦完全feel唔到會點，所以只係會識得同你講唔好擔心、唔使緊張呢d說話。最好有咩事就同d生過bb既朋友傾，同埋同媽咪傾，因為佢地都有呢方面既經驗，可以話完全體諒到你既處景，亦可以有好多方法幫你過度同面對，講出黎會舒服好多架，成日屈埋係心到，bb出世都唔開心架~~
至於你成日眼訓，有胃氣，食小小野就飽跟住又好快肚餓，呢d都係正常既。因為有左bb，你身體內既荷爾蒙會有所改變，加上個bb會長大，開始頂住左個胃，你d胃氣消唔到頂住左自然就會食唔到野，食得野小就消化得快，所以你又會好快肚餓
我有一個中藥藥方，可以消胃氣，開胃d，仲可以止嘔架
沙仁雞蛋

材料﹕
黨參 大x1條 / 小 x 2條 (要切簿)
沙仁 二兩 (可分3次用)
雞蛋 1隻 (連殼)

- 所有材料落”啞”煲(不可以用不秀鋼煲)，五碗水煲至一碗 (大約大半個鐘)
- 如果嘔得勁，試下飲之前切兩片生薑(請記住切皮)，放入口咬(咬到飲到薑汁為止)，可以防止飲完嘔番出黎
- 雞蛋要食埋
- 如果驚飽得濟或者驚飲完就嘔，可以成碗藥連雞蛋分兩次飲，飲完第一次唔嘔就隔一個鐘再飲
- 頭幾次最好隔一日就飲，如果開始冇嘔得咁勁先隔多一、兩日飲一次
- 唔可以攤凍黎飲!!!
你可以一星期飲兩三次，胃氣好快就會消減，到時keep住一星期一次就得架喇，呢劑中藥係我爺爺教既，佢係中醫黎
若果你而家訓得既訓多d都冇所謂，因為到後期你可能成日會尿頻、抽筋、bb踢到你而訓訓下醒左，所以而家訓到就訓啦。若果你真係唔想訓咁多，可以自己搵d有用既野做下，例如睇下關於第時點湊bb啦，去d孕婦網站睇下資料，仲可以去d媽媽網站到同其他媽媽/孕婦分享你既經驗，話唔埋有第二d孕婦都有同樣問題，佢地有更好既方法既處理呢，一舉兩得架
撞到個胸對bb冇事，撞到痛兩三日唔出奇。至於bb死左既話，係會出血，即係好似m到咁，但你會感到腹痛。若果真係懷孕期間見紅(出血/啡色分泌物)最好就係睇醫生同埋要有足夠既休息，咁bb就會冇事架喇
聽bb心跳既儀器唔需要買架喇，就算比你買左你都係用兩三個月，因為bb大個d既話識踢你架嘛，佢踢你你就知到佢既存在啦，而且佢踢你果個感覺比起用聽心跳機實在得多，放隻手係肚到feel到佢踢你果下真係霖到暈呀
而你bb既大細真係唔需要太介懷，一來佢仲有咁多個星期可以吸收，話唔定之後佢吸收好多出世果時係大b呢，二來出世既體重都唔代表一切，有dbb出世好重但唔多飲奶好快就細粒左，有dbb出世好輕，但係佢好吸收，好快變左大大粒。大過冇論佢係咩size都唔緊要啦，只要係你既bb，你都會比最好既佢架嘛，係咪？
你既心情會直接影響到bb架，佢會feel到架，你應該要開心d，睇多d開心既野，個人開朗d，bb都會健康d
祝你好開心咁生個健康bb~

你有點同我相似呀! 我已經懷孕差不多12週啦.
我而家無以前咁成日肚餓，不過d口味就越來越變得大.
魚..奶..蛋..我都唔鍾意食..! 同埋呢個星期鍾意食..下星期就唔再鍾意食.
其實bb size係bb吸收左幾多以成長，個個人都唔同，無得講正唔正常，不過我覺得你個b，屬於細b，我11w4d-bb有4.73cm長度。醫生話bb成長得幾好.
初初有bb係咁架，其實有書講媽咪害喜厲害(唔係好嚴重個d)，對bb來說是健康的成長.
你唔好過份擔心啦，如果你情緒大左，肚內bb係感覺到架，放鬆d，得閒同bb傾下計。
每個做媽媽心情都會好擔心同緊張，我都好怕bb有天突然離開我，但係唔可以咁諗，要珍惜同bb每天既相聚，bb會感覺到媽媽既心情，bb就會乖健康咁成長，每次睇e生，照超聲波見到bb一天一天咁成長，聽到bb既心跳聲，真係好感動的！
你先生..始終都要出外工作，也有壓力，他們是不明白我們當媽媽的心情，唔開心時找朋友或家人聊聊天，對媽媽都會好d架.
同埋撞到胸唔會有影響，只要唔好碰撞到個肚及腹就沒問題!
如果作小產，一般都會先流啡或血及粉紅色分泌，如果有以下情況請即看e生，看看是否能進行安胎或訓床休息保住胎兒。
亦有些人會在沒任何先兆自行排出胎盤，如有這情況，bb已經是離開了，一般小產原因，都是出自bb問題。不是媽媽的問題，所以流產了也不要怪責自己，應好好調理身體。
係有心跳儀器買的，但一般都要bb最少有24週以上才可以聽到的，所以以家買來都沒用.
你而家最好放鬆心情，多d休息，食到就盡量食，食唔到都唔好逼自己食，知道嗎?
如果你滿30歲以上，需要於11週-13週內到e院或c+診所做唐氐綜合檢驗. (唔係間間e院有得做架, 我book左威院$1300)
其實bb真係無得擔心...因為始終係你就係你，擔心得太多對bb都唔好架，知道嗎?
希望你的害喜快點過，之後就可以盡情食啦.
放鬆心情，齊齊做牛媽，齊齊生返個健康肥白牛寶寶.
加油!
你可以去買d書睇下，認識多d，咁就唔會咩都唔知.
我買左本孕媽媽懷孕秘笈...都幾好..好詳細架.

我同你一樣, "多胃氣同好眼訓成日都走去訓" + "晚間每兩至三小時要去厠所一次" + "吃了不久, 又好快肚餓" !!! 很辛苦 ^--^
不過, 相信當想起腹中胎兒慢慢地成長, 這是最好的福氣, 最真貴的禮物, 請不要太緊張及憂慮, 反多向長輩、過來人或朋友傾訴, 以及多看有關"懷孕初期"的資料, 書籍等等!
盼望你我一同努力! 我的預產期:3/2009

其實每個大肚婆嘅反应都唔一樣, 攰係好正常. 猶其頭四个月, (我个時攰到唔想'旭'添. 背脊又酸又軟 - 直头好似 '妲己' 咁) 有胃氣可以試下食萍果(我work喎), 你唔好成日唔開心, 你会影响BB, BB都会唔开心. 揾個朋友傾下計. 或者 e-mail 比我都得.

記住保持心境开朗, BB都會開心d, 笑容都多d

你太緊張喇,放鬆小小,初懷孕時,身體會出現好多唔同o既變化,每個人都唔同,我生2個都冇嘔,只係初時胃口時好時壞.
因為身體要負荷多個小生命,成日都想SLEEP好正常,
我果時都有時想喊O架,唔知點解,有時係冇原因O架,不過我會搵D野令自己開心返,我好怕自己會有產前抑鬱.
有時間,多D上下唔同O既討論區,睇下野.
我自己成日上
http://www.baby-kingdom.com/
同
http://kingkingtsang.shopping.babysky.hk/
放鬆D啦!!!!