狗女起水同m到既分別

Q: 起水同m到既分別
其實99並沒有經期(m), 只有發情期, 俗稱"起水". 99發情時陰部會滴血, 與人經期相似, 所以將其擬人化,稱m.
母狗發情期的出血和人類的月經是不一樣的. 人類的月經是排卵後沒有受孕,子宮壁因而剝落出血. 而母狗"出血"是為了整理陰道準備交配. 所以即使兩者出血口相同但是原因是大大不同. 人類月經時不會懷孕. 而母狗就是為了交配. 出血常是為了懷孕.

Q: 佢起水/m到時候,係唔係都唔可以比佢同狗公發生關係?
通常, 從發情開始(表徵是滴血)的第10天至13天是排卵期, 最容易受孕. 最準確的方法就是給獸醫採集陰部的血做抹片檢查. 想生9b就在此時交配, 唔想就在這段期間阻止狗公埋身.

Q: m到/起水大約有幾多日左右呀??
隻隻狗情況唔同, 有d好快, 有d好耐. 一般2-3星期. 但發情時吸引狗公的氣味, 會持續好耐. 大約是滴血前3-4星期, 至滴血後3-4星期. 一般每年發情2次, 約5-6個月一次.
不過真係隻隻狗唔一樣. 我識幾隻唐狗女都唔同, 有隻3個月就一次, 不過每次都好快完, 約一星期.
Q: 狗女係唔係係m到/起水既情況下較容易受孕嫁??
如上述. 是的.

Q: 咁如果佢平時無m到既時候,咁係咪比狗公擒都未必一定受孕到??
理論上係.
但有時99清潔得乾淨, 血冇滴出, 你可能唔覺. 又冇留意到99的氣味. 已在發情期中你都唔知, 放心俾99交配咗, 攪出狗命 law.

我隻女發情期階段清晰, 情況容易受控制. 所以我只在發情約第2個星期 (第7-16日), 減少出街, 絕對阻止狗公埋身. 萬一意外懷孕, 也預備好了收養9b名單.

但如果你怕煩, 或99情況難控制, 可選擇做絕育, 一勞永逸.